ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນກວກເກື່ອງ ຢືນຢັນວ່າ: ບັນດາພາກພື້ນ ແລະ ບັນດາປະເທດພວມຢືນຢູ່ຕໍ່ໜ້າທັງມີກາລະໂອກາດ ແລະ ສິ່ງທ້າທາຍ ແລະ ຫລາຍສົ້ນ…ສະນັ້ນ, ASEM ຄວນເຫັນດີເປັນເອກະພາບຕໍ່ຄວາມຮັບຮູ້ ແລະ ການກະທຳເພື່ອຮັບປະກັນການພັດທະນາແບບຍືນຍົງ, ປະດິດຄິດສ້າງ ແລະ ກວມລວມ ກາຍເປັນເປົ້າໝາຍສູງສຸດຂອງການເຕີບໂຕ ແລະ ແມ່ນກຳລັງໜູນໃຫ້ແກ່ຄວາມວັດທະນາຖາວອນຢູ່ ອາຊີ ແລະ ເອີຣົບ.

ບັນດາຜູ້ແທນເຂົ້າຮ່ວມກອງປະຊຸມ (ພາບ: TTXVN)

        ທ່ານ ຢວານເມົ້າຢຽບ, ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ: ລັດຖະບານ ຫວຽດນາມ ໄດ້ປະຕິບັດຍຸດທະສາດການພັດທະນາແບບຍືນຍົງໂດຍຜ່ານການຮັບປະກັນການເຕີບໂຕເສດຖະກິດທີ່ຕິດພັນກັບການປະຕິບັດຄວາມກ້າວໜ້າ, ຍຸຕິທຳສັງຄົມ, ເພີ່ມທະວີລະບົບຮັບປະກັນຊີວິດສັງຄົມໃຫ້ປະຊາຊົນທຸກຄົນ. ໃນໄລຍະຜ່ານມາ, ຫວຽດນາມ ກໍ່ຮັບເອົາບັນດາບົດຮຽນ ໂດຍບັນດາປະເທດ ເອີຣົບ ແບ່ງປັນໃນການແກ້ໄຂບັນດາສິ່ງທ້າທາຍກ່ຽວກັບການຮັບປະກັນຊີວິດສັງຄົມຄືການປະກັນໄພ, ຫລຸດຜ່ອນຄວາມທຸກຍາກ.

        ກອງປະຊຸມແນໃສ່ຜັນຂະຫຍາຍຂໍ້ລິເລີ່ມຂອງ ຫວຽດນາມ ເຊິ່ງໄດ້ຮັບຮອງເອົາຢູ່ກອງປະຊຸມຂັ້ນສູງ ASEM ຄັ້ງທີ 12 ຢູ່ ບຣຸກແຊນ, ປະເທດ ແບນຊິກ ເມື່ອເດືອນ ຕຸລາ 2018. ເຂົ້າຮ່ວມກອງປະຊຸມມີຜູ້ແທນປະມານ 100 ທ່ານທີ່ມາຈາກບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ແລະ ຜູ້ແທນສາກົນ 80 ທ່ານທີ່ມາຈາກ 53 ປະເທດສະມາຊິກ ASEM, ຜູ້ຕາງໜ້າບັນດາອົງການຈັດຕັ້ງສາກົນ ແລະ ພາກພື້ນ.