ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: VOV)

ທ່ານນາງ ຟ້າມທູຮັ່ງ ຢັ້ງຢືນວ່າ ບົດລາຍງານສິດທິມະນຸດປະຈຳປີຂອງກະຊວງການຕ່າງປະເທດ ອາເມລິກາ ໄດ້ຍົກອອກມາໃນວັນທີ 22 ເມສາ ປີ 2024 ເຖິງວ່າ ໄດ້ສ່ອງແສງບັນດາຜົນງານ ແລະ ບາດກ້າວຂອງ ຫວຽດນາມ ໃນການປົກປ້ອງສິດທິມະນຸດແລ້ວກໍຕາມ ແຕ່ໜ້າເສຍດາຍ ຍັງຄົງສືບຕໍ່ມີບັນດາຂໍ້ສັງເກດທີ່ຂາດພາວະວິໄສ ອີງຕາມບັນດາຂໍ້ມູນທີ່ບໍ່ຊັດເຈນກ່ຽວກັບສະພາບການຕົວຈິງຂອງ ຫວຽດນາມ. ກະຊວງການຕ່າງປະເທດ ຫວຽດນາມ ຢັ້ງຢືນວ່າ ນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ແມ່ນປົກປ້ອງ ແລະ ຊຸກຍູ້ສິດທິມະນຸດ, ໃນນັ້ນຖືມະນຸດເປັນໃຈກາງ, ເປັນກຳລັງໜູນໃນວິວັດການປ່ຽນແປງໃໝ່ ແລະ ວິວັດທະນາການພັດທະນາປະເທດຊາດ. ບັນດາສິດເສລີພື້ນຖານຂອງມະນຸດທີ່ໄດ້ຮັບຮູ້ໃນລັດຖະທຳມະນຸນຂອງ ຫວຽດນາມ ແລະ ໄດ້ປົກປ້ອງ, ຊຸກຍູ້ດ້ວຍບັນດາເອກະສານດ້ານກົດໝາຍຢ່າງລະອຽດ ແລະ ໄດ້ຈັດຕັ້ງຜັນຂະຫຍາຍໃນຕົວຈິງ. ຫວຽດນາມ ໄດ້, ພວມ ແລະ ຈະແລກປ່ຽນຢ່າງກົງໄປກົງມາ, ເປີດເຜີຍ ແລະ ບົນຈິດໃຈສ້າງສັນ ກັບ ອາເມລິກາ ກ່ຽວກັບບັນດາບັນຫາທີ່ຕ່າງຝ່າຍຕ່າງມີທັດສະນະແຕກຕ່າງກັນ ເພື່ອເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ຜ່ານນັ້ນ, ປະກອບສ່ວນຢ່າງຕັ້ງໜ້າກວ່າ ແລະ ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ອາເມລິກາ.