ຫວຽດນາມ ຮຽກຮ້ອງໃຫ້ ອິດສະຣາແອັນ ຍົກເລີກຄຳສັ່ງປິດລ້ອມ, ສ້າງເງື່ອນໄຂແກ່ການສຳຜັດກັບການຊ່ວຍເຫຼືອມະນຸດສະທຳ ແລະ ປັບປຸງຊີວິດການເປັນຢູ່ໃຫ້ຊາວ ປາແລັດສະຕິນ
(VOVWORLD) - ວັນທີ 29 ກັນຍາ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມປະຈຳໄລຍະກ່ຽວກັບສະພາບການຢູ່ ຕາເວັນອອກກາງ. ທ່ານ Tor Wennesland ຜູ້ປະສານງານພິເສດຂອງທ່ານເລຂາທິການໃຫຍ່ ສປຊ ກ່ຽວກັບວິວັດການສ້າງສັນຕິພາບຢູ່ ຕາເວັນອອກກາງ ໄດ້ເຂົ້າຮ່ວມ ແລະ ລາຍງານທີ່ກອງປະຊຸມ.
 ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ |
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະແດງຄວາມວິຕົກກັງວົນຕໍ່ສະພາບການໃຊ້ຄວາມຮຸນແຮງທີ່ເພີ່ມຂຶ້ນ ດ້ວຍຈຳນວນຜູ້ເສຍຊີວິດນັບມື້ນັບຫຼາຍຂຶ້ນ ແລະ ມີຄວາມສ່ຽງປີນຂັ້ນໄດກາຍເປັນການປະທະກັນ. ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນຢ່າງສຸດຂີດ, ວາງອອກມາດຕະການປົກປ້ອງສາມັນຊົນ, ພິເສດແມ່ນແມ່ຍິງ ແລະ ເດັກຍິງ, ສ້າງເງື່ອນໄຂສະດວກແກ່ການສົນທະນາ ແລະ ເຈລະຈາ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍສະແດງຄວາມວິຕົກກັງວົນຕໍ່ບັນດາການເຄື່ອນໄຫວຕັ້ງຖິ່ນຖານຂອງ ອິດສະຣາແອັນ ຢູ່ ຝັ່ງຕາເວັນຕົກແມ່ນ້ຳຈໍແດນ, ລະເມີດກົດໝາຍສາກົນ ແລະ ມະຕິສະບັບອື່ນທີ່ກ່ຽວຂ້ອງຂອງ ສປຊ, ເຮັດໃຫ້ແງ່ຫວັງຂອງການວິທີການແກ້ໄຂຂອງສອງ ລັດ ຖືກອ່ອນແອລົງ. ພ້ອມດຽວກັນນັ້ນ, ທ່ານກໍມີຄວາມວິຕົກກັງວົນຕໍ່ສະພາບການເສດຖະກິດສັງຄົມ ແລະ ມະນຸດສະທຳ ທີ່ນັບມື້ນັບຮ້າຍແຮງລົງຢູ່ເຂດ ກາຊາ.
ນັກຂ່າວ VOV ປະຈຳ ອາເມລິກາ.