( vovworld ) – ງານ​ຕະຫຼາດນັດ​ສິນ​ໃນ​ນ້ຳ​ເອີ​ລົບ (ESE) ຄັ້ງທີ 20 ຊື່​ງ​ໄຂ​ຂຶ້ນ​ໃນ​ວັນ​ທີ 24/4 ຢູ່​ບຣຸກ​ແຊນ ​ປະ​ເທດ​ແບ​ນຊິກ ​ໄດ້​ດຶງ​ດູດ​ການ​ເຂົ້າຮ່ວມ​ຂອງ 1600 ບໍລິສັດ ທີ່​ມາ​ຈາກ 70 ​ເຂດ​ແຄ້ວ​ນ. ບັນດາ​ວິ​ສາ​ຫະກິດ ຫວຽດນາມ ​ເຂົ້າຮ່ວມ​ງານ​ຕະຫຼາດນັດ​ສິນ​ໃນ​ນ້ຳ​ເອີ​ລົບ ປີ​ນີ້ ດ້ວຍ​ຮ້ານ​ວາງສະ​ແດງ​ເກືອບ 40 ຮ້ານ​ຊື່​ງ​ໄດ້​ຈັດ​ສັນ​ຢ່າງ​ສວຍ​ງາມ ​ແລະ ​ແມ່ນ 1 ​ໃນ​ບັນດາ​ຮ້ານ​ວາງສະ​ແດງ​ໃຫ່ຍກ່ວາ​ໝູ່​ໃນງານ​ຕະຫຼາດນັດ​. ​ໃນ​ຂອບ​ເຂດງານ​ຕະຫຼາດນັດ​ສິນ​ໃນ​ນ້ຳ​ເອີ​ລົບ, ຕອນ​ເຊົ້າຂອງ​ວັນ​ທີ 25/4, ​ໄດ້​ຈັດ​ໃຫ້​ມີ​ການ​ພົບ​ປະລະ​ຫວ່າງ​ທ່ານ Struan Stevenson ຮອງ​ປະທານ​ຄະນະ​ກຳມະການ​ອາຊີບ​​ປະມົງ, ລັດຖະສະພາ​ເອີ​ລົບ ກັບ​ຄະນະ​ປະຕິບັດ​ງານ​ຂອງ​ກະຊວງ​​ກະສິກຳ ​ແລະ ພັດທະນາ​ຊົນນະບົດ​ຫວຽດນາມ ​ເພື່ອ​ປຶກສາ​ຫາລື​ກ່ຽວ​ກັບ​ຄວາມ​ສາມາດ​ເພີ່ມ​ທະວີ​ການ​ຮ່ວມ​ມື. ຕາມ​ທ່ານ Struan Stevenson ​ແລ້ວ, ປາ​ບາ​ຊາ ​ແມ່ນ​ທ່າ​ແຮງ​ຂອງ ຫວຽດນາມ, ສະນັ້ນ, ການ​ຍູ້​ແຮງ​ການ​ສົ່ງ​ອອກ​ປາ​ບາ​ຊາ ​ເຂົ້າຕະຫຼາດ​ເອີ​ລົບ ຈະ​ມີ​ຜົນ​ປະ​ໂຫຍ​ດ​ໃຫ້​ທັງ​ສອງ​ຝ່າຍ, ​ໃນ​ຂະນະ​ທີ່​ຜູ້​ອຸປະ​ໂພ​ກ ບໍລິ​ໂພ​ກ​ເອີ​ລົບ ​ໄດ້​ນິຍົມ​ປະ​ເພດ​ສິນຄ້າ​ນີ້. ທ່ານ​ໃຫ້​ຮູ້​ວ່າ, ​ໃນ​ສະ​ເພາະ​ແຕ່​ປີ 2011, ຫວຽດນາມ ​ໄດ້​ສົ່ງ​ອອກ​ປາ​ບາ​ຊາ ​ໃນ​ປະລິມານ 600.000 ​ໂຕນ ​ໄປ​ຍັງ ອີ​ຢູ ​ແລະ ​ເພີ່​ມລະດັບ​ສະ​ເລ່ຍການ​ສົ່ງ​ອອກ​ສິນ​ໃນ​ນ້ຳຂອງ ຫວຽດນາມ ​ເຂົ້າ ອີ​ຢູ 30%. ທ່ານ Struan Stevenson ສະຫລຸບ​ວ່າ ຂະ​ແໜງ​ສິນ​ໃນ​ນ້ຳ ຫວຽດນາມ ​ໄດ້ປະສົບ​ຜົນສຳ​ເລັດ​ໃນ​ການ​ສ້າງ​ຈຸດ​ຢືນ​ຢູ່​​ໃນຕະຫຼາດ​ເອີລົບ​.