(vovworld) - ງານຕະຫຼາດນັດປະຈຳປີໃຫຍ່ກວ່າໝູ່ໃນໂລກກ່ຽວກັບການທ່ອງທ່ຽວ (ITB) ຄັ້ງທີ 48 ໄດ້ຖືກໄຂຂຶ້ນໃນວັນທີ 5/3 ຢູ່ສູນຕະຫຼາດນັດສາກົນ ICC ທີ່ນະຄອນຫຼວງ Berlin, ເຢຍລະມັນ. ງານຕະຫຼາດນັດປີນີ້ບັນລຸຕົວເລກສະຖິຕິກ່ຽວກັບຈຳນວນປະເທດເຂົ້າຮ່ວມເຊີ່ງລວມມີ 10.147 ບໍລິສັດການທ່ອງທ່ຽວມາຈາກ 189 ປະເທດໃນໂລກ, ໃນນັ້ນ ຫວຽດນາມ ມີ 30 ບໍລິສັດການທ່ອງທ່ຽວເຂົ້າຮ່ວມ. ໃນໄລຍະດຳເນີນງານຕະຫຼາດນັດ (5-9/3), ບັນດາຫົວໜ່ວຍເຂົ້າຮ່ວມການວາງສະແດງແນະນຳການບໍລິການ, ຜະລິດຕະພັນການທ່ອງທ່ຽວທີ່ມີມາແຕ່ດົນນານ ແລະ ໃໝ່ສຸດຂອງຕົນບົນເນື້ອທີ່ 160.000 ມ2 ໃນ 26 ຮ້ານວາງສະແດງຢູ່ສູນ ICC. ຜູ້ອຳນວຍການບໍລິສັດຕະຫຼາດນັດ ICC Berlin Christian Goke ໃຫ້ຮູ້ວ່າງານຕະຫຼາດນັດ ITB Berlin ສ່ອງແສງໃຫ້ເຫັນຄຸນຄ່າຂອງຂະແໜງອຸດສາຫະກຳການທ່ອງທ່ຽວໂລກຢ່າງຮອບດ້ານ ແລະ ເປັນບ່ອນວາງສະແດງ, ໂຄສະນາບັນດາຜະລິດຕະພັນ, ການບໍລິການທ່ອງທ່ຽວສາກົນ, ເຕັກໂນໂລຊີການທ່ອງທ່ຽວ.