(vovworld) – ວັນ​ທີ 07/04, ຢູ່​ນະຄອນຫຼວງ Banda Seri Begawan ປະ​ເທດ ບຣຸ​ໄນ ​ໄດ້​ດຳ​ເນີນ​ກອງ​ປະຊຸມ​ເຈົ້າ​ໜ້າ​ທີ່​ຂັ້ນ​ສູງ (SOM) ​ເສ​ດຖະກິດ​ອາ​ຊຽນ ​ເພື່ອ​ແນ​ໃສ່​ກະກຽ​ມ​ໃຫ້​ແກ່​ກອງ​ປະ​ຊຸມສະພາປະສານ​ງານ​ກຸ່ມ​ເຮັດ​ວຽກ​ອາ​ຊຽນ (ACCWG) ຄັ້ງ​ທີ 3. ​ເຂົ້າ​ຮ່ວມ​ກອງ​ປະຊຸມ​ມີ​ເຈົ້າ​ໜ້າ​ທີ່​ຂັ້ນ​ສູງ​ເສດຖະກິດ​ຂອງບັນດາປະ​ເທດສະມາ​ຊິກ​ອາ​ຊຽນ. ກອງ​ປະຊຸມ​ໄດ້​ສຸມ​ໃສ່​ປຶກສາ​ຫາລື​​ບັນດາ​ບັນຫາ​ໃນ​ຮ່າງ​ໂຄງການ​ດຳ​ເນີນ​ງານ​ຂອງ​ກອງ​ປະຊຸມ ACCWG ຄັ້ງ​ທີ 3, ບັນດາ​ເນື້ອ​ໃນ​ໂຄງການ​ກອງ​ປະຊຸມ​ລັດຖະມົນຕີ​ການ​ຕ່າງປະ​ເທດ ອາ​ຊຽນ (AMM) ​ເຊິ່ງຄາດ​ວ່າ​ຈະ​ກະກຽມ​ໃຫ້​ແກ່​ກອງ​ປະຊຸມ​ຂັ້ນ​ສູງ​ອາ​ຊຽນຄັ້ງ​ທີ 22 ​ແລະ ບັນດາ​ກອງປະຊຸ​ມທີ່​ກຽ​ວຂ້ອງ, ຮ່າງ​ບົດ​ລາຍ​ງານ​ຂອງ​ກອງ​ປະຊຸມ​ ACCWG ຄັ້ງ​ທີ 3, ບັນດາ​ບັນຫາ​ທີ່​ກຽວ​ຂ້ອງ​ເຖິງ​ເລື່ອງ​ເຂົ້າ​ຮ່ວມ​ຂໍ້​ຕົກລົງ​ດ້ານ​ເສດຖະກິດ​ອາ​ຊຽນ ຂອງ ຕີ​ມໍ​ຕາ​ເວັນ​ອອກ, ຮ່າງ​ບົດ​ລາຍ​ງານ​ກ່ຽວ​ກັບ​ບັນດາ​ໝາກຜົນ​ຂອງ ACCWG ​ໃຫ້​ແກ່​ກອງ​ປະຊຸມ​ສະພາ​ປະສານ​ງານ ອາ​ຊຽນ (ACC) ຄັ້ງ​ທີ 12.