ຫວຽດນາມ ເຂົ້າຮ່ວມງານມະໂຫລານຊາວໜຸ່ມ, ນັກສຶກສາໂລກ
(ການປະຊຸມຂ່າວ ງານມະໂຫລານຊາວໜຸ່ມ, ນັກສຶກສາໂລກ)
(vovworld) – ຕົວແທນຊາວໜຸ່ມຜູ້ດີເດັ່ນ 85 ຄົນ ທີ່ຕາງໜ້າໃຫ້ຊາວໜຸ່ມຫວຽດນາມ ຈະເຂົ້າຮ່ວມງານມະໂຫລານຊາວໜຸ່ມ, ນັກສຶກສາໂລກຄັ້ງທີ 18 (Festival 18) ເຊິ່ງຖືກຈັດຕັ້ງຢູ່ນະຄອນ ກວີໂຕ, ເອກູອາດໍ ແຕ່ວັນທີ 7-13/12/2013. ດ້ວຍຫົວຂໍ້ວ່າ “ຊາວໜຸ່ມສາມັກຄີຕ້ານລັດທິຈັກກະພັດ ເພື່ອໂລກສັນຕິພາບ, ສາມັກຄີ ແລະ ກ້າວໜ້າ“.
ຄະນະຜູ້ແທນຊາວໜຸ່ມຫວຽດນາມ ຈະເຂົ້າຮ່ວມການເຄື່ອນໄຫວຕ່າງໆຄື: ເປັນເຈົ້າພາບຈັດຕັ້ງເວທີປາໄສ “ໄວໜຸ່ມຫວຽດນາມ ກັບພາລະກິດປ່ຽນໃໝ່, ສ້າງສາ ແລະ ປົກປັກຮັກສາປະເທດຊາດ“; ເຂົ້າຮ່ວມສານສາກົນຕ້ານຈັກກະພັດດ້ວຍເນື້ອໃນ: ກ່າວປະນາມການນຳໃຊ້ທາດເຄມີໃນສົງຄາມທີ່ກໍ່ຜົນຮ້າຍຢ້ອນຫຼັງໃນໄລຍະຍາວໃຫ້ແກ່ມະນຸດ. ຄະນະຍັງຈັດງານວາງສະແດງຮູບພາບ, ສື່ສິ່ງພິມ, ວັດຖຸພັນທີ່ໂຄສະນາກ່ຽວກັບຫວຽດນາມ ກໍ່ຄືການເຄື່ອນໄຫວຂອງຊາວໜຸ່ມຫວຽດນາມໃນຂະບວນການຕ່າງໆ ເພື່ອປະກອບສ່ວນສ້າງສາ ແລະ ປົກປັກຮັກສາປະເທດສັງຄົມນິຍົມ ແລະ ກ່ຽວກັບຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ.