ຫວຽດນາມ ເຂົ້າຮ່ວມງານສະແດງການທະຫານສາກົນຄັ້ງທີ V – 2019 ຢູ່ ລັດເຊຍ
(VOVWORLD) -ປີນີ້ແມ່ນປີທີສອງ ຫວຽດນາມ ສົ່ງຄະນະນາຍທະຫານເຂົ້າຮ່ວມງານສະແດງການທະຫານສາກົນ ຊື່ງດຳເນີນແຕ່ວັນທີ 3 -17 ສິງຫາ ຢູ່ ລັດເຊຍ ດ້ວຍຫລາຍເນື້ອໃນແຂ່ງຂັນ ແລະ ໄດ້ຈັດຕັ້ງໃນພາບດຽວຢູ່ 9 ປະເທດ. ຄະນະນາຍທະຫານຫວຽດນາມ ເຂົ້າຮ່ວມງານສະແດງການທະຫານສາກົນປີ 2019 ລວມມີ ພະນັກງານ, ນັກຮົບ 217 ຄົນ ຈະເຂົ້າຮ່ວມ 7 ເນື້ອໃນ ໂດຍຈັດຂຶ້ນຢູ່ ລັດເຊຍ, ຈີນ, ເມລາຣຸດ ແລະ ອູເບີກີສະຖານ
|
 ພິທີໄຂງານສະແດງການທະຫານສາກົນປີ 2019
ພາບ:qdnd
|
ພັນເອກ ຟານຫາຍລອງ ຮອງເສນາທິການເຫລົ່າຮົບລົດຫຸ້ມເກາະ ໃຫ້ຮູ້ວ່າ:
“ພວກຂ້າພະເຈົ້າໄດ້ກຳນົດເລື່ອງເຂົ້າຮ່ວມງານສະແດງການທະຫານ ກ່ອນອື່ນໝົດ ແມ່ນເພື່ອພົບປະແລກປ່ຽນ, ເຊື່ອມຕໍ່, ຖອດຖອນບົດຮຽນໃນວິວັດການເຝີກຊ້ອມຂອງແຕ່ລະປະເທດ, ສ້າງຄວາມຜູກພັນລະຫວ່າງກອງທັບບັນດາປະເທດເວົ້າລວມ ກໍ່ຄື ກຳລັງລົດຫຸ້ມເກາະບັນດາປະເທດເວົ້າສະເພາະ.”