ຫວຽດນາມ ແມ່ນຄູ່ຮ່ວມມືບຸລິມະສິດຂອງ EU ຢູ່ພາກພື້ນ ອາຊີ - ປາຊີຟິກ
(VOVWORLD) - ວັນທີ 22 ຕຸລາ, ຢູ່ຮ່າໂນ້ຍ, ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ແລະ ທ່ານ Niclas Kvarnstrom, ຫົວໜ້າກົມໃຫຍ່ ອາຊີ - ປາຊີຟິກ ຂຶ້ນກັບອົງການພົວພັນຕ່າງປະເທດຂອງສະຫະພາບເອີຣົບ (EU) ເປັນປະທານຮ່ວມກອງປະຊຸມຄັ້ງທີ 5 ຂອງຄະນະກຳມະການປະສົມ ຫວຽດນາມ - EU ຂອງຂອບເຂດສັນຍາຄູ່ຮ່ວມມື ແລະ ການຮ່ວມມື ຫວຽດນາມ - EU (PCA).
 ການເຮັດວຽກລະຫວ່າງສອງຝ່າຍ (ພາບ: dangcongsan.vn) |
ໃນກອງປະຂຸມ, ທ່ານນາງ ເລທິທູຮັ່ງ ຮອງລັດຖະມົນຕີການຕ່າງປະເທດ ຫວຽດນາມ ຢັ້ງຢືນວ່າ EU ແມ່ນໜຶ່ງໃນບັນດາຄູ່ຮ່ວມມືເສດຖະກິດ ແລະ ພັດທະນາສຳຄັນແຖວໜ້າຂອງ ຫວຽດນາມ, ຫວຽດນາມ ຍາມໃດກໍຖືເປັນສຳຄັນການພັດທະນາຄູ່ຮ່ວມມື ແລະ ການຮ່ວມມືຮອບດ້ານ ຫວຽດນາມ - EU ກໍຄືການພົວພັນກັບບັນດາປະເທດສະມາຊິກ EU. ທ່ານນາງ ຮອງລັດຖະມົນຕີການຕ່າງປະເທດ ຫວຽດນາມ ສະເໜີໃຫ້ EU ຊຸກຍູ້ລັດຖະສະພາບາງປະເທດສະມາຊິກຂອງກຸ່ມປະຕິບັດສຳເລັດການໃຫ້ສັດຕະຍາບັນ ສັນຍາອາລັກຂາການລົງທຶນ ຫວຽດນາມ - ສະຫະພາບ ເອີຣົບ (EVIPA), ຮັບຮູ້ຄວາມມານະພະຍາຍາມຂອງ ຫວຽດນາມ ໃນການປ້ອງກັນ, ຕ້ານການຂຸດຄົ້ນສິນທະເລຢ່າງຜິດກົດໝາຍ, ບໍ່ລາຍງານ ແລະ ບໍ່ຖືກຕ້ອງຕາມຂໍ້ກຳນົດ (IUU), ມີຄວາມເປັນຫ່ວງຕໍ່ຜົນປະໂຫຍດຂອງຜູ້ບໍລິໂພກ EU ເພື່ອຍົກເລີກບັດເຫຼືອງ IUU ສຳລັບການສົ່ງອອກສິນທະເລຂອງ ຫວຽດນາມ.
ຝ່າຍ EU ສະແດງຄວາມປາດຖະໜາຢາກໃຫ້ສອງຝ່າຍຍົກການພົວພັນຂຶ້ນສູ່ລະດັບສູງໃໝ່, ປາດຖະໜາຢາກສືບຕໍ່ຮ່ວມມື, ໜູນຊ່ວຍ ຫວຽດນາມ ຜັນຂະຫຍາຍຄູ່ຮ່ວມມືຫັນປ່ຽນພະລັງງານຍຸຕິທຳ (JETP), ຊຸກຍູ້ການຮ່ວມມືໃນບັນດາຂົງເຂດໃໝ່ໃນຂອບເຂດບັນດາຂໍ້ລິເລີ່ມຮ່ວມມືກັບພາກພື້ນເຊັ່ນ ຂໍ້ລິເລີ່ມປະຕູອອກທົ່ວໂລກຂອງ EU.