ທ່ານນາງ ຫງວຽນທິບິກເຫ້ວ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ພົບປະກັບເຈົ້າຄອງເຂດ Sicilia ຂອງ ອີຕາລີ (ພາບ: ສະຖານທູດຫວຽດນາມປະຈຳອີຕາລີ)

ຫວຽດນາມ ພວມພົ້ນເດັ່ນຂຶ້ນຢູ່ ພາກພື້ນອາຊີຕາເວັນອອກສ່ຽງໃຕ້ ແລະ ແມ່ນຫນຶ່ງໃນບັນດາຕະຫລາດຂະຫຍັນຂັນເຄື່ອນ ແລະ ມີຄວາມສາມາດບົ່ມຊ້ອນທີ່ສຸດທົ່ວໂລກ, ຈາກນັ້ນ ກາຍເປັນເງື່ອນໄຂດູດດື່ມກ່ຽວກັບດ້ານການຄ້າ, ການລົງທຶນສຳລັບປະຊາຄົມວິສາຫະກິດເຂດ Sicilia ຂອງ ອີຕາລີ. ນີ້ແມ່ນ ເນື້ອໃນໄດ້ຍົກອອກມາປຶກສາຫາລືທີ່ເວທີປາໄສ “ຂົວຕໍ່ລະຫວ່າງ ຫວຽດນາມ ແລະ Sicilia” ໂດຍສະຖານທູດ ຫວຽດນາມ ປະຈຳ ອີຕາລີ ສົມທົບກັບຫ້ອງການການຄ້າອຸດສາຫະກຳ Catania ແລະ ສະມາຄົມວິສາຫະກິດ Sicilia ຈັດຕັ້ງ ເນື່ອງໃນໂອກາດທ່ານນາງໄປປະຕິງານຢູ່ເຂດ Sicilia ແຕ່ວັນທີ 14 – 16 ກໍລະກົດ.

ທ່ານນາງ ຫງວຽນທິບິກເຫ້ວ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ເນັ້ນຫນັກຢ່າງແຮງວ່າ: ຂອບເຂດບັນດາຂົງເຂດຮ່ວມມືລະຫວ່າງ ເຂດ Sicilia ກັບຫວຽດນາມ ແມ່ນອຸດົມສົມບູນທີ່ສຸດ ແລະ ປະຈຸບັນ ມີຫລາຍກາລະໂອກາດລົງທຶນ, ດຳເນີນທຸລະກິດທີ່ສະຫງວນໃຫ້ແກ່ບັນດາວິສາຫະກິດ Sicilia ຢູ່ ຫວຽດນາມ. ຕາມທ່ານ ເອກອັກຄະລັດຖະທູດແລ້ວ, ກາລະໂອກາດສະດວກທີ່ສຸດນັ້ນແມ່ນ ພາສີເກືອບທຸກປະເພດ ຈະໄດ້ຮັບການຍົກເລີກເທື່ອລະກ້າວ ຍ້ອນມີສັນຍາການຄ້າເສລີ ລະຫວ່າງ ຫວຽດນາມ ແລະ ສະຫະພາບເອີລົບ (EVFTA). ຄຽງຄູ່ກັນນັ້ນ ຫວຽດນາມ ຍັງສວມບົດບາດສຳຄັນ ແມ່ນປະຕູບຸລິມະສິດໃຫ້ແກ່ການສຳຜັດ ແລະ ແຊກຊຶມເຂົ້າທົ່ວພາກພື້ນ ອາຊຽນ ຊື່ງແມ່ນຕະຫລາດພວມສະແດງໃຫ້ເຫັນການເຕີບໂຕ GDP ແຖວຫນ້າຂອງໂລກ.