ຕາມຂໍ້ສັງເກດຂອງທ່ານ ປ.ອ Frederick Kliem, ນັກຊ່ຽວຊານຄົ້ນຄ້ວາສັງກັດ ສູນຄົ້ນຄ້ວາລັດທິຫຼາຍຝ່າຍ, ໂຮງຮຽນຄົ້ນຄ້ວາສາກົນ S.Rajaratanam, ສິງກະໂປແລ້ວ, ໃນເລວາ 25 ປີທີ່ຜ່ານມາ, ນັບແຕ່ເວລາເຂົ້າເປັນສະມາຊິກອາຊຽນ, ຫວຽດນາມໄດ້ກາຍເປັນສ່ວນໜຶ່ງທີ່ສຳຄັນຂອງອົງການໃນພາກພື້ນນີ້, ຫວຽດນາມແມ່ນສະມາຊິກໄດ້ຮັບຄວາມເຄົາລົບທີ່ສຸດ, ເປັນໜ້າໄວ້ເນື້ອເຊື່ອໃຈ ແລະ ມີລັກສະນະສ້າງສາໃນອາຊຽນ. ຫວຽດນາມແມ່ນຂົວເຊື່ອມຕໍ່ລະຫວ່າງ 5 ປະເທດອາຊຽນ ທຳອິດ ກັບ ບັນດາປະເທດຄື: ກຳປູເຈຍ, ລາວ ແລະ ມຽນມາ ເຊິ່ງແມ່ນບັນດາປະເທດເຂົ້າເປັນສະມາຊິກຕາມຫຼັງ. ທ່ານ ປ.ອ Frederick ໄດ້ຕີລາຄາວ່າ ເປັນຈະແຈ້ງແລ້ວວ່າ, ຫວຽດນາມສວມບົດບາດເປັນເຈົ້າການໃນປະຊາຄົມຄວາມໝັ້ນຄົງການເມືອງ, ພິເສດແມ່ນຄວາມໝັ້ນຄົງໃນພາກພື້ນ ແລະ ການເດີນເຮືອ. ຫວຽດນາມຍາມໃດກໍ່ຢູ່ແຖວໜ້າໃນຂົງເຂດນີ້. ທ່ານຖືວ່າ ດ້ວຍຄວາມເຄົາລົບເຊິ່ງຫວຽດນາມບັນລຸໄດ້ ໃນບັນດາປະເທດອາຊຽນ ແລະ ໃນປະຊາຄົມທົ່ວໂລກນັ້ນ, ຫວຽດນາມ ສາມາດສວມບົດບາດນຳໜ້າໃນພາກພື້ນໄດ້ຢ່າງແທ້ຈິງ.