ການລົງນາມລະຫວ່າງ 2 ຝ່າຍ
(ພາບ: ຮ່າຖັ໋ງ, ດິ່ງຕ໋ວນ/VOV5)
|
(vovworld) – ຕອນບ່າຍວັນທີ 17/4, ເນື່ອງໃນໂອກາດນຳໜ້າຄະນະຜູ້ແທນ ຫວຽດນາມ ໄປຈີນ, ດຳເນີນຂອງປະຊຸມຄັ້ງທີ 10 ຄະນະກຳມະການຊີ້ນຳການຮ່ວມມື 2 ຝ່າຍ ຫວຽດນາມ - ຈີນ ຕາມຄຳເຊີນຂອງທ່ານ ຢ່າງເຈຍສື, ກຳມະການລັດຖະບານ ຈີນ, ທ່ານ ຟ້າມບີ່ງມີງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມໄດ້ເຈລະຈາກັບທ່ານ ເຢົາເຈິງເຊີງ, ປະທານສະພາປຶກສາການເມືອງແຫ່ງຊາດຈີນ ຢູ່ນະຄອນ ປັກກິ່ງ. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືການພັດທະນາການພົວພັນຄູ່ຮ່ວມມືຍຸດທະສາດຮອບດ້ານເປັນປົກກະຕິ, ປອດໄສ, ໝັ້ນຄົງເຂັ້ມແຂງກັບພັກ, ລັດ ແລະ ປະຊາຊົນຈີນ ເປັນສຳຄັນ. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ເນັ້ນໜັກວ່າ: 2 ຝ່າຍຮັກສາການແລກປ່ຽນ, ພົບປະຂັ້ນສູງ, ເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ, ປັບປຸງ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ. ຕາມທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ແລ້ວ, ການຄວບຄຸມຄວາມບໍ່ລົງລອຍກັນ, ແກ້ໄຂບັນດາການຂັດແຍ້ງກັນບົນທະເລໂດຍສັນຕິວິທີ, ເໝາະສົມກັບກົດໝາຍສາກົນ ແລະ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແມ່ນເໝາະສົມກັບຜົນປະໂຫຍດພື້ນຖານ, ຍາວນານຂອງ 2 ປະເທດ ແລະ ປະຊາຊົນ 2 ປະເທດ, ກໍ່ຄືມີຜົນປະໂຫຍດໃຫ້ແກ່ການຮັກສາສັນຕິພາບ ແລະ ສະຖຽນລະພາບໃນພາກພື້ນ ແລະ ໃນໂລກ.
ສ່ວນ ທ່ານ ເຢົາເຈິງເຊີງ, ປະທານສະພາປຶກສາການເມືອງແຫ່ງຊາດຈີນ ຢັ້ງຢືນວ່າ: ຈີນ ຖືເປັນສຳຄັນ ແລະ ປາດຖະໜາຢາກຊຸກຍູ້ການພົວພັນຖານບ້ານໃກ້ເຮືອນຄຽງມິດຕະພາບ ແລະ ການຮ່ວມມືຮອບດ້ານກັບ ຫວຽດນາມ. ຈີນ ພ້ອມແລ້ວຈະພ້ອມກັບ ຫວຽດນາມ ເພີ່ມທະວີການຮ່ວມມືໃນບັນດາຂົງເຂດ, ເປີດກ້ວາງການພົວພັນມິດຕະພາບປະຊາຊົນ, ຄວບຄຸມຄວາມບໍ່ລົງລອຍກັນບົນທະເລເປັນຢ່າງດີ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຢູ່ພາກພື້ນ.