ທ່ານປະທານປະເທດເຈີ່ນດ້າຍກວາງ ຕ້ອນຮັບທ່ານ Sayed Altayed Ahmed

ທ່ານປະທານປະເທດຕີລາຄາສູງ ບັນດາການປະກອບສ່ວນຂອງທ່ານເອກອັກຄະລັດຖະທູດ ໃນການເພີ່ມທະວີສາຍພົວພັນມິດຕະພາບ ແລະ ການຮ່ວມມືຫລາຍດ້ານລະຫວ່າງ ຫວຽດນາມ ແລະ ຊູດັງ ໃນຊຸມປີຜ່ານມາ. ທ່ານປະທານປະເທດຖືວ່າ 2 ປະເທດມີຄວາມສາມາດບົ່ມຊ້ອນຫລາຍຢ່າງ ເພື່ອຍົກສູງປະສິດທິຜົນແຫ່ງການຮ່ວມມືກ່ວາອີກ, ພິເສດແມ່ນໃນຂົງເຂດການຄ້າ, ການລົງທຶນ, ກະສິກຳ, ສິນໃນນ້ຳ, ນ້ຳມັນອາຍແກັສ, ໂທລະຄົມມະນາຄົມ…ທ່ານປະທານປະເທດປາດຖະໜາຢາກໃຫ້ ຊູດັງ ສືບຕໍ່ສະໜັບສະໜູນ ຫວຽດນາມ ເປັນສະມາຊິກສະພາຄວາມໝັ້ນຄົງສະຫະປະຊາຊາດອາຍຸການ 2020 – 2021 ແລະ ອອກສະໝັກຮັບເລືອກຕັ້ງເປັນຜູ້ອຳນວຍການໃຫຍ່ UNESCO ອາຍຸການ 2017 – 2021; ພ້ອມທັງສະເໜີ 2 ປະເທດ ຈັດຕັ້ງກອງປະຊຸມທາບທາມດ້ານການເມືອງຄັ້ງທີ 5 ລະຫວ່າງກະຊວງການຕ່າງປະເທດ 2 ປະເທດ.

        ສ່ວນທ່ານ Sayed Altayed Ahmed ເອກອັກຄະລັດຖະທູດ ຊູດັງ ຢືນຢັນວ່າ ຊູດັງ ພ້ອມແລ້ວທີ່ຈະເປັນປະຕູອອກ ເພື່ອນຳບັນດາປະເພດສິນຄ້າຂອງ ຫວຽດນາມ ເຂົ້າຕະຫລາດ ອາຟຣິກກາ. ທ່ານເອກອັກຄະລັດຖະທູດກໍ່ໃຫ້ຮູ້ວ່າ: ຈະສືບຕໍ່ແນະນຳ, ໂຄສະນາບັນດາກາລະໂອກາດລົງທຶນດຳເນີນທຸລະກິດຂອງ ຫວຽດນາມ ເຖິງບັນດາວິສາຫະກິດ ຊູດັງ, ຜ່ານນັ້ນ ຊຸກຍູ້ການພົວພັນຮ່ວມມືລະຫວ່າງ 2 ປະເທດ ເພື່ອຜົນປະໂຫຍດຂອງປະຊາຊົນ 2 ປະເທດ.