ທ່ານ ເຈິ່ນເກິ໋ມຕູ໊ ໄດ້ເຂົ້າຢ້ຽມຂ່ຳນັບທ່ານ ບຸນທອງ ຈິດມະນີ   (ພາບ: TTXVN)

ໄດ້ເຂົ້າຢ້ຽມຂ່ຳນັບທ່ານ ບຸນທອງ ຈິດມະນີ ກຳມະການກົມການເມືອງ, ເລຂາທິການສູນກາງພັກປະຊາຊົນປະຕິວັດລາວ, ຮອງນາຍົກລັດຖະມົນຕີ, ປະທານຄະນະກຳມະການກວດກາສູນກາງພັກ, ປະທານອົງການກວດກາລັດຖະບານ ລາວ ນຳໜ້າຄະນະຜູ້ແທນຂັ້ນສູງຂອງ ລາວ ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ເມື່ອສະແດງຄວາມປິຕິຊົມຊື່ນກ່ຽວກັບການພົວພັນຮ່ວມມືລະຫວ່າງຄະນະກຳມະການກວດກາສູນກາງຂອງ 2 ພັກໃນໄລຍະຜ່ານມາ, ທ່ານປະທານຄະນະກຳມະການກວດກາສູນກາງພັກ ຫວຽດນາມ ເຈິ່ນເກິ໋ມຕູ໊ ເຊື່ອໝັ້ນວ່າ ໃນໄລຍະຈະມາເຖິງ, 2 ຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ, ປະຕິບັດບັນດາຂໍ້ຕົກລົງຢ່າງມີປະສິດທິຜົນ; ເພີ່ມທະວີການແລກປ່ຽນຄະນະຜູ້ແທນ, ແບ່ງປັນຂໍ້ມູນຂ່າວສານ, ບົດຮຽນກ່ຽວກັບວຽກງານກວດກາ, ຕິດຕາມກວດກາ, ປ້ອງກັນຕ້ານການສໍ້ລາດບັງຫລວງ.

        ສ່ວນທ່ານ ບຸນທອງ ຈິດມະນີ ໄດ້ຢືນຢັນວ່າ: ພັກ, ລັດ ແລະ ປະຊາຊົນ ລາວ ຈະມານະພະຍາຍາມ ພ້ອມກັບ ຫວຽດນາມ ຮັກສາ ແລະ ເພີ່ມພູນຄູນສ້າງສາຍພົວພັນສາມັກຄີແບບພິເສດລະຫວ່າງ ລາວ ແລະ ຫວຽດນາມ ໃຫ້ນັບມື້ນັບພັດທະນາ.