ຫວຽດນາມ ແລະ ສປຊ ສົມທົບກັນປະຕິບັດບັນດາເປົ້າໝາຍທົ່ວໂລກ
(VOVWORLD) -ຕອນບ່າຍວັນທີ 13 ເມສາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເຈິ່ນລຶວກວາງ ໄດ້ໃຫ້ການຕ້ອນຮັບທ່ານນາງ Pauline Tamesis ຜູ້ປະສານງານ ປະຈຳ ສປຊ ປະຈຳ ຫວຽດນາມ, ພ້ອມກັບຜູ້ຕາງໜ້າອົງການຂອງ ສປຊ ປະຈຳ ຫວຽດນາມ.
 ທ່ານຮອງນາຍົກລັດຖະມົນຕີ ຫວຽດນາມ ເຈິ່ນລຶວກວາງ ໃຫ້ການຕ້ອນຮັບທ່ານນາງ Pauline Tamesis ຜູ້ປະສານງານ ປະຈຳ ສປຊ ປະຈຳ ຫວຽດນາມ (ພາບ: TTXVN) |
ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ເຈິ່ນລຶວກວາງ ໄດ້ສະແດງຄວາມຂອບອົກຂອບໃຈຕໍ່ການໜູນຊ່ວຍ, ຊ່ວຍເຫຼືອຂອງ ສປຊ ທີ່ສະຫງວນໃຫ້ແກ່ ຫວຽດນາມ ໃນຕະຫຼອດໄລຍະ 45 ປີຜ່ານມາ. ພິເສດແມ່ນຜ່ານກົນໄກ COVAX, ສປຊ ໄດ້ໜູນຊ່ວຍ ຫວຽດນາມ ວັກຊິນ, ວັດຖຸອຸປະກອນການແພດໃຫ້ ຫວຽດນາມ, ຊ່ວຍຫວຽດນາມ ຄວບຄຸມພະຍາດໂຄວິດ - 19 ຢ່າງມີປະສິດທິຜົນ. ທ່ານຮອງນາຍົກລັດຖະມົນຕີ ສະເໜີໃຫ້ສອງຝ່າຍຍູ້ແຮງການປະຕິບັດໂຄງການເປົ້າໝາຍທົ່ວໂລກ, ສະເໜີ ສປຊ ສືບຕໍ່ໜູນຊ່ວຍຫວຽດນາມ ບໍ່ພຽງແຕ່ກ່ຽວກັບດ້ານການເງິນເທົ່ານັ້ນ, ຫາກຍັງກ່ຽວກັບດ້ານວິຊາການ, ເຕັກນິກ ແລະ ປະສົບການຈາກເຄືອຂ່າຍທົ່ວໂລກ ຂອງ ສປຊ ອີກດ້ວຍ. ຕາມທ່ານຮອງນາຍົກລັດຖະມົນຕີແລ້ວ, ຫວຽດນາມ ພວມຕ້ອງຮັບມືກັບການປ່ຽນແປງຂອງດິນຟ້າອາກາດ, ດັ່ງນັ້ນ, ຕ້ອງມີການຮ່ວມມືໜູນຊ່ວຍຈາກ ສປຊ ຕໍ່ບັນຫານີ້, ພິເສດແມ່ນຄຳໝັ້ນສັນຍາບັນລຸໄດ້ການປ່ອຍທາດພິດລົງລະດົບ 0 ໃນປີ 2050.
ສ່ວນຝ່າຍ ສປຊ, ທ່ານນາງ Pauline Tamesis ຕີລາຄາສູງການປະກອບສ່ວນທີ່ເປັນເຈົ້າການ, ຕັ້ງໜ້າ ແລະ ມີປະສິດທິຜົນຂອງ ຫວຽດນາມ ຕໍ່ບັນດາການເຄື່ອນໄຫວຂອງ ສປຊ, ທ່ານນາງ ຢັ້ງຢືນວ່າ ສປຊ ຈະສືບຕໍ່ຮຽງບ່າຮຽງໄຫລ່, ຮ່ວມເດີນທາງເພື່ອໃຫ້ ຫວຽດນາມ ສາມາດກຳໄດ້ບັນດາກາລະໂອກາດໃໝ່ ແລະ ຮັບມືກັບບັນດາສິ່ງທ້າທາຍ, ລະດົມແຫຼ່ງກຳລັງສາກົນ, ປະກອບສ່ວນເຂົ້າໃນການປະຕິບັດບັນດາເປົ້າໝາຍພັດທະນາເສດຖະກິດ - ສັງຄົມຂອງ ຫວຽດນາມ.