ຫວຽດນາມ ແລະ ສະພາຄວາມໝັ້ນຄົງ ສປຊ: ຮ່ວມມື ໃນພາກພື້ນ ແລະ ສາກົນເພື່ອແກ້ໄຂສະພາບການຂາດສະຖຽນລະພາບໃນໂລກ
(VOVWORLD) - ໃນວັນທີ 15 ກໍລະກົດ, ສະພາຄວາມໝັ້ນຄົງ ສປຊ ໄດ້ດຳເນີນກອງປະຊຸມທາງອອນລາຍກ່ຽວກັບບັນຫາຂຸດຄົ້ນຊັບພະຍາກອນທຳມະຊາດແບບຜິດກົດໝາຍຢູ່ບໍລິເວນບັນດາໜອງໃຫຍ່ຢູ່ທະວີບ ອາຟຼິກກາ.
ກອງປະຊຸມທາງອອນລາຍກ່ຽວກັບບັນຫາຂຸດຄົ້ນຊັບພະຍາກອນທຳມະຊາດແບບຜິດກົດໝາຍຢູ່ບໍລິເວນບັນດາໜອງໃຫຍ່ຢູ່ທະວີບ ອາຟຼິກກາ |
ບັນດາຜູ້ແທນເຂົ້າຮ່ວມກອງປະຊຸມຖືວ່າ ຕ້ອງມີວິທີການສຳຜັດສັງລວມ ກັບບັນຫາຂຸດຄົ້ນຊັບພະຍາກອນທຳມະຊາດທີ່ຜິດກົດໝາຍຢູ່ພາກພື້ນ ຜ່ານການຊຸກຍູ້ບົດບາດ ຂອງບັນດາປະເທດທັງໝົດ ໃນພາກພື້ນ ພ້ອມກັບບັນດາຝ່າຍທັງໝົດເຂົ້າຮ່ວມລະບົບການສະໜອງ. ພ້ອມກັນນັ້ນແມ່ນຕ້ອງມີການໜູນຊ່ວຍທີ່ບໍ່ອາດຂາດໄດ້ກ່ຽວກັບເຕັກນິກ ແລະ ການເງິນຂອງບັນດາອົງການຈັດຕັ້ງສາກົນ ແລະ ບັນດາຄູ່ຮ່ວມມືໃນພາກພື້ນ.
ກ່າວຄຳເຫັນທີ່ກອງປະຊຸມ, ທ່ານ ດັ່ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ, ໄດ້ເນ້ັນໜັກເຖິງ 2 ປັດໄຈສຳຄັນທີ່ສາມາດແກ້ໄຂຕົ້ນເຫດທີ່ພາໃຫ້ເກີດສະພາບການຂາດສະຖຽນລະພາບດ້ານຄວາມໝັ້ນຄົງຢູ່ພາກພື້ນແມ່ນການຮ່ວມມືໃນພາກພື້ນ ແລະ ການຮ່ວມມືສາກົນໃນບັນຫາການຄຸ້ມຄອງຊັບພະຍາກອນທຳມະຊາດ, ໃນນັ້ນ, ການຮ່ວມມືໃນພາກພື້ນສວມບົດບາດແຖວໜ້າຍ້ອນວ່າບັນດາປະເທດໄດ້ແບ່ງປັນຜົນປະໂຫຍດ ແລະ ເປົ້າໝາຍລວມ. ທ່ານ ເອກອັກຄະລັດຖະທູດກໍ່ຍົກອອກຂໍ້ສະເໜີແນະໃຫ້ບັນດາປະເທດປະຕິຮູບກອບນິຕິກຳ, ເພີ່ມທະວີບັນດາຂອບເຂດການຮ່ວມມື, ຊຸກຍູ້ຄວາມໂປ່ງໃສຂອງລະບົບການສະໜອງ ແລະ ເພີ່ມທະວີບັນດາກົນໄກແບ່ງປັນຂໍ້ມູນຂ່າວສານທີ່ກ່ຽວຂ້ອງ.