(ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານປະທານາທິບໍດີສະຫະພັນ ລັດເຊຍ Vladimir Putin)

ໃນຂອບເຂດເຂົ້າຮ່ວມກອງປະຊຸມບັນດາການນຳກຸ່ມ BRICS ເປີດກວ້າງປີ 2024, ຢູ່ Kazan, ສະຫະພັນ ລັດເຊຍ, ຕອນຄ່ຳວັນທີ 24 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະເຈລະຈາກັບທ່ານປະທານາທິບໍດີສະຫະພັນ ລັດເຊຍ Vladimir Putin.

ທີ່ການພົບປະເຈລະຈາ, ທ່ານນາຍົກລັດຖະມົນຕີ ຟ້າມມິງຈິງ ຢືນຢັນວ່າ, ພັກ, ລັດ ຫວຽດນາມ ຍາມໃດກໍ່ຖືການພົວພັນຄູ່ຮ່ວມມືຍຸດທະສາດກັບສະຫະພັນ ລັດເຊຍ ເປັນສຳຄັນ; ພ້ອມທັງ, ຊົມເຊີຍທ່ານປະທານາທິບໍດີ Vladimir Putin ປະທານກອງຊຸມຍຸດສອດ BRICS ແລະ BRICS ເປີດກວ້າງບັນລຸຜົນສຳເລັດ, ກໍຄືທຸກການເຄື່ອນໄຫວຂອງ BRICS ໃນປີ 2024. ການນຳ 2 ທ່ານໄດ້ຕີລາຄາວ່າ ການພົວພັນຄູ່ຮ່ວມມືຍຸດທະສາດຮອບດ້ານໃນໄລຍະຜ່ານມາໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງ. ເຖິງຢ່າງໃດກໍ່ຕາມ, ບັນດາໝາກຜົນທີ່ບັນລຸໄດ້ຍັງບໍ່ທັນຕອບສະໜອງໄດ້ຕາມເປົ້າໝາຍທີ່ໄດ້ວາງອອກ, ສະນັ້ນ, 2 ຝ່າຍຕ້ອງສົມທົບກັນຢ່າງແໜ້ນແຟ້ນກວ່າ ເພື່ອຜັນຂະຫຍາຍປະສິດທິຜົນການຮ່ວມມື, ໂດຍສະເພາະແມ່ນໃນຂົງເຂດເສດຖະກິດ, ການຄ້າ, ການລົງທຶນ, ການທ່ອງທ່ຽວ, ເປີດອອກສູ່ບັນດາຂົງເຂດໃໝ່, ຄື: ພະລັງງານທົດແທນ, ພື້ນຖານໂຄງລ່າງ… ການນຳ 2 ທ່ານກໍ່ເນັ້ນໜັກເຖິງຄວາມສຳຄັນຂອງການຮ່ວມມືດ້ານພະລັງງານ - ນ້ຳມັນອາຍແກັດ ເຊິ່ງແມ່ນໜຶ່ງໃນບັນດາເສົາຄ້ຳຂອງການພົວພັນ ຫວຽດນາມ - ລັດເຊຍ, ເຫັນດີສືບຕໍ່ສົ່ງເສີມ ແລະ ສ້າງເງື່ອນໄຂສະດວກເປີດກວ້າງການເຄື່ອນໄຫວຂອງບັນດາວິສາຫະກິດນ້ຳມັນອາຍແກັດ 2 ປະເທດຢູ່ ຫວຽດນາມ ແລະ ສະຫະພັນ ລັດເຊຍ.