(vovworld) – ສະຖານກົງສູນ​ຫວຽດນາມ ປະຈຳ Perth, ອົດສຕາ​ລີ ​ໄດ້​ສົມທົບ​ກັບ​ສະຫະ​ສະມາ​ຄົມ​ທ່ອງ​ທ່ຽວ​ເຂດ Augusta Margaret River, ຄະ​ນະ​ກຳມະການ​ພັດທະນາ​​ເຂດ​ຕາ​ເວັນ​ຕົກ​ສ່ຽງ​ໃຕ້​ອົດສຕາ​ລີ, ຫາ​ກໍ່​ຈັດ​ພິທີ​​ແລກປ່ຽນເອກະສານ​ຕົກລົງ​​ແຮກສ່ຽວ​ຖ້ຳ​ລະຫວ່າງ ປ່າ​ສະຫງວນແຫ່ງ​ຊາດ ຟອງ​ຍາ - ​ແກ​ບ່າງ ​ແລະ ສະຫະສະມາຄົມ​ທ່ອງ​ທ່ຽວ​ອົດສຕາ​ລີ Augusta Margaret River. ຂໍ້​ຕົກລົງ​ດັ່ງກ່າວ​ໄດ້​ສະ​ເໜີ​ສົມທົບ​ກັນ​ສົ່ງ​ເສີມ​ການ​ໂຄສະນາ​ການທ່ອງທ່ຽວທໍລະນີ​ໃຫ້​ບັນດາຖ້ຳ​ໃນ​ເຂດປ່າ​ສະຫງວນ​ແຫ່ງ​ຊາດ ຟອງ​ຍາ - ​ແກ​ບ່າງ  ຂອງ​ຫວຽດນາມ ​ແລະ ​ເຂດ Margaret River. ຂໍ້​ຕົກລົງ​ກໍ່​ສະ​ເໜີ​ກ່ຽວ​ກັບການ​ຮ່ວມ​ມື​ປັບປຸງ​ວຽກ​ງານ​ຄຸ້ມ​ຄອງ​ບັນດາ​ຖ້ຳ, ​ເຜີຍ​ແຜ່​ຂໍ້​ມູນ​ກ່ຽວ​ກັບ​​ເຂດ​ທັງ​ສອງ​ໃນ​ລະດັບ​ໂລກ, ຜັນ​ຂະຫຍາຍ​ບັນດາ​ໂຄງການ​ຮ່ວມ​ມື ນຳ​ມາ​ເຊິ່ງປະສິດທິ​ຜົນ​ລວມ, ປະຕິບັດ​ການ​ຄົ້ນຄວ້າ​ວິທະຍາສາດ​ກ່ຽວ​ກັບ​ການ​ຄຸ້ມ​ຄອງ​ລະບົບ​ສິ່ງ​ແວດ​ລ້ອມ​ໃຫ້​​ຖ້ຳຕ່າງໆ ​ແລະ ພັດທະນາ​ບັນດາ​ການ​ເຄື່ອນ​ໄຫວ​ດ້ານ​ວິຊາ​ສະ​ເພາະ, ບຳລຸງ​ສ້າງ​ພະນັກງານ… ​ໃຫ້​​ເໝາະສົມ​ກັບ​ເນື້ອ​ໃນ​ຂໍ້​ຕົກລົງ. ນີ້​ແມ່ນ​ຂໍ້​ຕົກລົງ​ຮ່ວມ​ມື​ຊຸກ​ສູ້​ການທ່ອງ​ທ່ຽວທໍລະນີ​​ຖ້ຳ​ສະບັບທຳ​ອິດ​ໃນ​ໂລກ.