ນະທີ່ນີ້, 2 ຝ່າຍສະເໜີຄວນສ້າງກົນໄກໃໝ່, ພື້ນຖານກົດໝາຍຢ່າງໝັ້ນຄົງເພື່ອເປັນພື້ນຖານຊຸກຍູ້ການພົວພັນ 2 ຝ່າຍຫວຽດນາມ ແລະ ອານເຊຣີ ຈາກຂົງເຂດການເມືອງ ຕະຫຼອດຮອດບັນດາຂົງເຂດຮ່ວມມືອື່ນຄື: ຮ່ວມມືດ້ານການຄ້າ, ວັດທະນະທຳ, ສາທາລະນະສຸກ, ການປ້ອງກັນຊາດ… ທ່ານລັດຖະມົນຕີ Youcef Yousfi ສະເໜີວ່າ, ພາຍຫຼັງກອງປະຊຸມຄະນະກຳມະການລະຫວ່າງລັດຖະບານຄັ້ງທີ 11 ນີ້, ຫວຽດນາມ ແລະ ອານເຊຣີ ຄວນສົ່ງເສີມສ້າງຕັ້ງກຸ່ມປະຕິບັດງານກ່ຽວກັບຂົງເຂດກະສິກຳ ແລະ ບໍ່ແຮ່ ເພື່ອຊຸກຍູ້ການຮ່ວມມື 2 ຝ່າຍຢ່າງມີປະສິດທິຜົນໃນໄລຍະຈະມາເຖິງ. ສ່ວນທ່ານລັດຖະມົນຕີ ຟ້າມຮົ່ງຮ່າ ຫວັງວ່າ, ໃນໄລຍະຈະມາເຖິງ, 2 ປະເທດເພີ່ມທະວີການແລກປ່ຽນ, ແບ່ງປັນບົດຮຽນໃນວິວັດການພັດທະນາ ແລະ ປ່ຽນແປງໃໝ່; ຫວຽດນາມ ກໍ່ຈະສະໜອງນັກຊ່ຽວຊານໜູນຊ່ວຍດ້ານກົດໝາຍ ຊ່ວຍອານເຊຣີ ເຈລະຈາເຂົ້າເປັນສະມາຊິກຂອງ WTO…