(vovworld) – ຕອນ​ບ່າຍ​ວັນ​ທີ 29/10, ຢູ່​ຮ່າ​ໂນ້ຍ, ທ່ານ​ກຳມະການກົມ​ການ​ເມືອງ, ປະທານ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ຫງວຽນ​ທ້ຽນ​ເຍີນ ​ໄດ້​ໃຫ້ການ​ຕ້ອນຮັບ​ທ່ານ​ນາງ Catharina Trooster, ​ເອກ​ອັກຄະ​ລັດຖະທູດ​ແຫ່ງ​ລາຊະ​ອານາຈັກ​ໂຮ​ນລັງ ​ປະຈຳ​ຫວຽດນາມ ເຂົ້າ​ຢ້ຽມ​ຂໍ່າ​ນັບ ​ແລະ ຢ້ຽມຢາມ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ເນື່ອງ​ໃນ​ໂອກາດມາ​ຮັບ​ໜ້າ​ທີ່​ປະຕິບັດ​ງານ​ໃໝ່. ທີ່​ການ​ຕ້ອນຮັບ, ທ່ານ ຫງວຽນ​ທ້ຽນ​ເຍີນ ຢືນຢັນ​ວ່າ​: ຍາມ​ໃດ​ຫວຽດນາມ ກໍ່​ຖື​ເປັນ​ສຳ​ຄັນ ​ແລະ ​ເພີ່ມ​ທະວີ​ການ​ພົວພັນ​ມິດຕະພາບ ​ແລະ ຮ່ວມ​ມື​ຮອບດ້ານ​ກັບ​ໂຮ​ນລັງ, ​ເຊິ່ງ​ແມ່ນປະ​ເທດ​ສວ​ມ​ບົດບາດ​ສຳຄັນ​ຢູ່​ສະຫະພາບ​ເອີ​ລົບ (EU) ​ແລະ ຖື​ນີ້​ແມ່ນ​ແບບຢ່າງ​ໃນ​ການ​ພົວພັນ​ທີ່ຂະ​ຫຍັນ​ຂັນ​ເຄື່ອນ ​ແລະ ມີ​ປະສິດທິ​ຜົນລະຫວ່າງ​ຫວຽດນາມ ກັບບັນດາ​ປະ​ເທດ​ເອີ​ລົບ. ທ່ານ ຫງວຽນ​ທ້ຽນ​ເຍີນ ​ເຊື່ອໝັ້ນວ່າ ​ໃນ​ອາຍຸ​ການປະຕິບັດ​ງານ​ຢູ່​ຫວຽດນາມ, ທ່ານ​ນາງ Catharina Trooster ຈະ​ມີ​ບັນດາ​ການ​ປະກອບສ່ວນ​ສຳຄັນ​ເຂົ້າ​ໃນ​ການ​ພັດທະນາ​ຂອງ​ການ​ພົວພັນ​ລະຫວ່າງ 2 ປະ​ເທດ. ທ່ານ​ນາງ Catharina Trooster ​ເນັ້ນ​ໜັກ​ວ່າ: ​ເລື່ອງ 2 ປະ​ເທດ​ສ້າງ​ຕັ້ງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ກ່ຽວ​ກັບ​ການ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ ​ແລະ ຄຸ້ມ​ຄອງ​​ແຫຼ່ງນ້ຳ, ຄູ່​ຮ່ວມ​ມື​ຍຸດ​ທະ​ສາດ​ກ່ຽວ​ກັບ​ກະສິກຳ ​ແລະ ຮັບປະກັນ​​ທັນ​ຍາ​ຫານ, ກຳນົດ​ບັນດາ​ຂົງ​ເຂດ​ຮ່ວມ​ມື​ໃຫ້​ບຸລິມະສິດ​ຄື​: ພະລັງງານ, ທ່າ​ກໍ່າ​ປັ່ນ ​ແລະ ການ​ບໍລິການພະລາທິການ, ກົດໝາຍ ​ແລະ ການ​ຮ່ວ​ມມື​ລະຫວ່າງ​ບັນດາ​ທ້ອງ​ຖິ່ນ ​​ໄດ້​​ເປັນ​ການພິສູດ​ໃຫ້​ເຫັນ​ການ​ພົວພັນ​ຮ່ວ​ມມື​ລະຫວ່າງ 2 ປະ​ເທດພ້ອມ​ກັນ​​ເຂົ້າ​ສູ່​ລວງ​ເລິກ. ​ໂຮ​ນລັງ ປາດ​ຖະໜາ​ຢາກ​ສືບ​ຕໍ່​ໄດ້​ຮັບ​ການ​ສະໜັບ​ສະ​ໜູນ​ຈາກ​ຫວຽດນາມ ຫຼາຍ​ກ່ວາ​ອີກ.