(vovworld) – ຜູ້ຕາງໜ້າ​ກະຊວງ​ອຸດສາຫະກຳ - ການ​ຄ້າ ຫວຽດນາມ ​ໃຫ້​ຮູ້​ວ່າ: ພາຍຫຼັງ​ເຮັດ​ວຽກ​ມາ​ເປັນ​ເວລາ 4 ວັນ (​ແຕ່​ວັນ​ທີ 22 – 25/2), ກອງ​ປະຊຸມ​ລັດຖະມົນຕີ 12 ປະ​ເທດ​ເຂົ້າ​ຮ່ວມ​ການ​ເຈລະຈາ​ສັນຍາ​ຄູ່​ຮ່ວມ​ມື​ເສດຖະກິດ​ຂ້າມ​ປາຊີ​ຟິກ (TPP) ຢູ່ ສິ່ງ​ກາ​ໂປ ບັນລຸ​ໄດ້​ຄວາມ​ຄືບ​ໜ້າ​ສຳຄັນ. ຕາມ​ນັ້ນ​ແລ້ວ, ກອງ​ປະຊຸມ​ໄດ້​ຍົກ​ອອກ​ທິດ​ທາງ​ແກ້​ໄຂ​ບາງ​ບັນ​ຫາ​ທີ່​ຍັງ​ມີ​ຄວາມ​ບໍ່​ລົງ​ລອຍ​ກັນ ​ເພື່ອ​ແນ​ໃສ່​ບັນ​ລຸ​ໄດ້ໝາກຜົນຮອບດ້ານ​ຕັ້ງໜ້າ ​ແລະ ດູ​ນດຽງ, ພ້ອມ​ທັງ​ພວມ​ລໍຄອຍ​ຄວາມ​ຄືບ​ໜ້າ​ໃນ​ບາງ​​ຂົງ​ເຂດ​ເພື່ອ​ບັນລຸ​ໄດ້ບັນດາ​ຂໍ້​ຕົກລົງ​ສຸດ​ທ້າຍ.

    ຕາມ​ທ່ານ​ທາງ ຟ້າ​ມກິ່ງ​ມາຍ​, ຮອງ​ຫົວໜ້າ​ກົມ​ການ​ຄ້າ​ຫຼາຍ​ຝ່າຍ, ກະຊວງ​ອຸດສາຫະກຳ - ການ​ຄ້າ​ຫວຽດນາມ ແລ້ວ, ສາຍ​ເຫດ​ທີ່ພາໃຫ້​ກອງ​ປະຊຸມ​ບໍ່​ທັນ​ບັນ​ລຸ​ໄດ້​ຂໍ້​ຕົກລົງ​ສຸດ​ທ້າຍ​ແມ່ນ​ບໍ່​ທັນ​ມີ​ຄວາມ​ເປັນ​ເອກະສັນ​ກັນ​ກ່ຽວ​ກັບ​ບັນຫາ​ຊັບ​ສິນ​ທາງ​ປັນຍາ, ສຳ​ພັດ​ຕະຫຼາດ​ປະຕິ​ຮູບ​ລັດວິ​ສາ​ຫະກິດ.​.​. ສຳລັບ​ບັນດາ​ປະ​ເທດ​ມີ​ຜົນ​ປະ​ໂຫຍດຈາກການສົ່ງ​ອອກ, ຖ້າ​ຫາກ​ຜົນ​ປະ​ໂຫຍ​ດບໍ່​ໄດ້​ຮັບ​ການ​ຕອບ​ສະໜອງ​ຢ່າງ​ເໝາະ​ສົມນັ້ນກໍ່ຍາກ​ທີ່​ຈະ​ເຈລະຈາ​ບັນດາ​ຂົງ​ເຂດ​ອື່ນໆ​ໂດຍ TPP ມຸ່ງ​ໄ​ປ​ເຖິງ​ການຫັນ​ເປັນ​ເສລີ​ຢ່າງຮອບດ້ານ, ລົບ​ລ້າງອັດຕາ​ພາສີ​ອາກອນ​ນຳ​ເຂົ້າ 100%. ​ໃນ​ຂະນະ​ນັ້ນ, ​ກ່ວາ 90% ຈຳນວນປະເພດພາສີ​ອາກອນຈະ​ໄດ້​ຮັບ​ການ​ລົບ​ລ້າງ​ເມື່ອ​ສັນຍາ​ມີ​ຜົນ​ສັກສິດ. ປະຈຸ​ບັນ​, ບາງ​ປະ​ເທດ​ຄື: ອາ​ເມ​ລິ​ກາ, ຍີ່ປຸ່ນ ຍັງ​ມີ​ຄວາມ​ບໍ່​ລົງ​ລອຍ​ກັນ​ກ່ຽວ​ກັບ​ວິວັດ​ທະ​ນາ​ການ​ຫລຸດ​ຜ່ອນ​ພາສີ​ອາກອນ ​ແລະ ອາລັກຂາ​ຜະລິ​ດຕະພັນ. ທ່ານ​ນາງ ຟ້າ​ມກິ່ງ​ມາຍ, ​ໃຫ້​ຮູ້​ວ່າ:

    “ມາ​ຮອດ​ປະຈຸ​ບັນ, ບັນດາ​ປະ​ເທດ​ໄດ້​ສິ້ນ​ສຸ​ດບາງ​ຂົງ​ເຂດ​ໃນ​ການ​ເຈລະຈາ​ໂດ​ຍພື້ນຖານ ​ແລະ ລໍຄອຍ​ພຽງ​ບາງ​ຄວາມ​ຄືບ​ໜ້າ​ສຳຄັນ​ໃນ​ການ​ເຈລະ​ຈາ​ສິນຄ້າ ອາດ​ສາມາດ​ມຸ່ງ​ໄປ​ເຖິງ​ການ​ສ້າງ​ບັນດາ​ຄຳ​ໝັ້ນ​ສັນຍາ​ສຸດ​ທ້າຍ ​ແລະ ສິ້ນ​ສຸດ​ການ​ເຈລະຈາ​ຢ່າງຮອບດ້ານ. ສ່ວນ ຫວຽດນາມ ​ໄດ້​ເຂົ້າ​ຮ່ວມ​ການເຈລະຈາ​ທາງ​ການ ​ແລະ 2 ຝ່າຍ​ທຸກຄັ້ງດ້ວຍທ່າທີ່ຕັ້ງໜ້າ, ປົກ​ປ້ອງ​ຫຼັກ​ໝັ້ນ​ຂອງ​ຕົນ, ​ເຖິງ​ຢ່າງ​ໃດ​ກໍ່ຕາມ, ພວກ​ເຮົາ​ກໍ່​ສະ​ແດງ​ລັກສະນະ​ມີ​ໄຫວ​ພິບ​ເພື່ອ​ສິ້ນ​ສຸດ​ການ​ເຈລະຈາ ​ແລະ ໄດ້​ຮັບການຕີ​ລາຄາ​ສູງຈາກບັນດາ​ສະມາຊິກ TPP ​.”