(VOVWORLD) -ໜັງສືພິມ NewstraitsTimes (ມາເລເຊຍ) ສະບັບອອກໃນວັນທີ 1 ກຸມພາ ໄດ້ຊີ້ແຈ້ງວ່າ ແຜນນະໂຍບາຍຕ້ານການສໍ້ລາດບັງຫຼວງ ຢ່າງເດັດຂາດຂອງທ່ານເລຂາທິການໃຫຍ່ ປະທານປະເທດ ຫງວຽນຝູຈ້ອງ ໄດ້ຮັບການສະໜັບສະໜູນຈາກປະຊາຊົນຫວຽດນາມ ແລະ ສະມາຊິກພັກເປັນສ່ວນຫຼາຍ.
 ໜັງສືພິມ Asahi ຂອງ ຍີ່ປຸ່ນ ລົງຂ່າວກ່ຽວກັບກອງປະຊຸມໃຫຍ່ຄັ້ງທີ 13ຂອງພັກກອມມູນິດ ຫວຽດນາມ |
ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ ປະສົບຜົນສຳເລັດຢ່າງຈົບງາມ, ສະຖານີວິທະຍຸກະຈາຍສຽງ ແລະ ໂທລະພາບ NHK ເນັ້ນໜັກວ່າ: ຫວຽດນາມ ໄດ້ຍົກອອກບັນດານະໂຍບາຍໃໝ່ໃນການພັດທະນາປະເທດຊາດ ແລະ ຄັດເລືອກເອົາສະມາຊິກຄະນະການນຳໃໝ່. ໃນກອງປະຊຸມຖະແຫຼງຂ່າວ ພາຍຫຼັງກອງປະຊຸມໃຫຍ່ໄດ້ອັດລົງ, ທ່ານເລຂາທິຫານໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ຖືວ່າ 5 ປີຈະມາເຖິງ, ຫວຽດນາມໃຫ້ຄຳໝັ້ນສັນຍາວ່າ ຈະເສີມຂະຫຍາຍບັນດາໝາກຜົນທີ່ບັນລຸໄດ້ໃນການປ້ອງກັນ, ຕ້ານການສໍ້ລາດບັງຫຼວງ ແລະ ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ, ຮັກສາການເຕີບໂຕເສດຖະກິດຢູ່ລະດັບ 6,5 – 7%.
ໜັງສືພິມ Asahi ກໍ່ໄດ້ລົງຂ່າວກ່ຽວກັບກອງປະຊຸມໃຫຍ່ຄັ້ງທີ 13ຂອງພັກກອມມູນິດ ຫວຽດນາມ, ໃນນັ້ນເນັ້ນໜັ້ກວ່າ ໃນອາຍຸການຈະມາເຖິງ, ຫວຽດນາມ ຈະສຸມໃສ່ການປ້ອງກັນຕ້ານການສໍ້ລາດບັງຫຼວງ, ສະກັດກັ້ນການແຜ່ລາມຂອງໂລກລະບາດໂຄວິດ - 19 ແລະ ພັດທະນາເສດຖະກິດ ໃນໄລຍະເກີດໂລກລະບາດ.
ສື່ເອເລັກໂຕນິກ Jiji Press ໄດ້ໃຫ້ຂໍ້ສັງເກດວ່າ ທ່ານ ເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ຮັບການສະໜັບສະໜູນຈາກສະມາຊິກພັກຫຼາຍສະຫາຍ ຍ້ອນວ່າ ໃນຊຸມປີຜ່ານມາ ທ່ານໄດ້ຊີ້ນຳນຳພາ ຜົນວຽກງານຮັກສາການເຕີບໂຕເສດຖະກິດຢູ່ລະດັບສູງ ແລະ ຄວບຄຸມໂລກລະບາດໂຄວິດ - 19ຢ່າງສຳເລັດ.
ສ່ວນໜັງສືພິມ NewstraitsTimes (ມາເລເຊຍ) ສະບັບອອກໃນວັນທີ 1 ກຸມພາ ໄດ້ຊີ້ແຈ້ງວ່າ ແຜນນະໂຍບາຍຕ້ານການສໍ້ລາດບັງຫຼວງ ຢ່າງເດັດຂາດຂອງທ່ານເລຂາທິການໃຫຍ່ ປະທານປະເທດ ຫງວຽນຝູຈ້ອງ ໄດ້ຮັບການສະໜັບສະໜູນຈາກປະຊາຊົນຫວຽດນາມ ແລະ ສະມາຊິກພັກເປັນສ່ວນຫຼາຍ.
ໃນຂະນະນັ້ນ, ສຳນັກຂ່າວສານ Yonhap (ສ.ເກົາຫຼີ) ໄດ້ວິເຄາະຕໍ່ໝາກຜົນຂອງກອງປະຊຸມໃຫຍ່ທີ່ ສະແດງໃຫ້ເຫັນວ່າ ຫວຽດນາມ ພວມຖືສະຖຽນລະພາບຂອງລັດເປັນສຳຄັນ. ຫວຽດນາມຈະຮັກສາຫຼັກໝັ້ນ ແລະ ນະໂຍບາຍໃນປັດຈຸບັນ, ເປີດປະຕູກັບໂລກພາຍນອກ ແລະ ດຶງດູດການລົງທຶນຈາກຕ່າງປະເທດເພື່ອເປັນກຳລັງໜູນໃນການຊຸກຍູ້ການເຕີບໂຕເສດຖະກິດ.
ວັນທີ 1 ກຸມພາ, ສຳໜັກຂ່າວສານ Reuters (ອັງກິດ) ກໍ່ໄດ້ລົງຂ່າວກ່ຽວກັບກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ໃນນັ້ນ ພິເສດໄດ້ເຕື້ອງເຖິງເປົ້າໝາຍຟື້ນຟູເສດຖະກິດ ຂອງ ຫວຽດນາມໃນໄລຍະ 5 ປີຈະມາເຖິງໂດຍອີງໃສ່ການປະສານສົມທົບ ເຊິ່ງມີການປັບປຸງລະຫວ່າງບັນດາຂໍ້ຕົກລົງດ້ານການຄ້າເສລີ, ຊຸກຍູ້ບົດບາດຂອງເສດຖະກິດເອກະຊົນ ແລະ ບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດ.
ຊຸມວັນຜ່ານມາ ບັນດາອົງການສື່ມວນຊົນລາວງຄື:, ໜັງສືພິມເອເລັກໂຕນິກ ປະຊາຊົນ, ໜັງສືພິມປະເທດລາວ ໄດ້ເອົາລົງບົດຂຽນກ່ຽວກັບກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ, ໃນນັ້ນໜັງສືພິມ ປະເທດລາວ ຂອງສຳນັກຂ່າວສານ ລາວ (KPL) ສະບັບອອກວັນທີ 2 ກຸມພາ ໄດ້ລົງພິມໃນໜ້າທຳອິດຢ່າງສົມກຽດ ບົດຂຽນດ້ວຍຫົວຂໍ້ວ່າ: “ຜົນສຳເລັດຂອງກອງປະຊຸມໃຫຍ່ຂອງພັກປະຊາຊົນປະຕິວັດລາວ ແລະ ພັກກອມມູນິດ ຫວຽດນາມ - ລາວປະກອບສ່ວນເຂົ້າໃນສະຖຽນລະພາບ ແລະ ການພັດທະນາຂອງພາກພື້ນ”. ບົດຂຽນດັ່ງກ່າວ ໄດ້ຢັ້ງຢືນວ່າ: ເປົ້າໝາຍສັງລວມ ແລະ ເປົ້າໝາຍລະອຽດ ເຊິ່ງກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມວ່າງອອກ ແມ່ນພື້ນຖານສຳຄັນຍິ່ງ ເພື່ອກຳນົດທິດທາງ, ໜ້າທີ່, ວິທີການແກ້ໄຂການສ້າງສາ, ພັດທະນາ ແລະ ປົກປັກຮັກສາປະເທດຊາດ.