ການເຮັດວຽກລະຫວ່າງ 2 ຄະນະ
(ພາບ: Doãn Tấn/TTXVN)
|
(vovworld) - ຕອນບ່າຍວັນທີ 20/1, ທີ່ການຕ້ອນຮັບຫົວໜ້າກຳມາທິການການຕ່າງປະເທດ ແລະ ປ້ອງກັນສະພາສູງຍີ່ປຸ່ນ Katayama Satsuki, ພວມຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເຮັດໃຫ້ການພົວພັນມິດຕະພາບ ແລະ ການຮ່ວມມືຮອບດ້ານກັບຍີ່ປຸ່ນນັບມື້ນັບເລິກເຊິ່ງກ່ວາອີກ. ຖືນີ້ແມ່ນໜຶ່ງໃນບັນດາບຸລິມະສິດອັນດັບໜຶ່ງໃນນະໂຍບາຍການຕ່າງປະເທດຂອງ ຫວຽດນາມ. ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ຕີລາຄາການຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ ໃນປະຈຸບັນພວມຢູ່ໃນໄລຍະພັດທະນາອັນດີງາມ ພິເສດນັບແຕ່ສ້າງການພົວພັນທາງການທູດ. ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ຂອບໃຈສະພາແຫ່ງຊາດ, ລັດຖະບານ ແລະ ປະຊາຊົນຍີ່ປຸ່ນ ໄດ້ສະຫງວນໃຫ້ແກ່ ຫວຽດນາມ ການໜູນຊ່ວຍຜ່ານການສະໜອງແຫຼ່ງທຶນໜູນຊ່ວຍພັດທະນາຢ່າງເປັນທາງການໃຫ້ແກ່ ຫວຽດນາມ ໃນກ່ວາ 20 ປີຜ່ານມາ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດສັງຄົມຂອງຫວຽດນາມ, ໃນນັ້ນມີບັນດາໂຄງການສຳຄັນຄື: ທາງບົກຄວາມໄວສູງເໜືອ - ໃຕ້, ທ່າອາກາດສະຍານ T2 ສະໜາມບິນສາກົນໂນ້ຍບ່າຍ, ຂົວເຍີດເຕີນ… ໄດ້ກາຍເປັນບັນດາສັນຍາລັກແຫ່ງການຮ່ວມມືລະຫວ່າງ 2 ປະເທດ ຫວຽດນາມ-ຍີ່ປຸ່ນ. ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ປາດຖະໜາວ່າ: ໃນໄລຍະຈະມາເຖິງ, 2 ຝ່າຍຊຸກຍູ້ການຮ່ວມມືການຄ້າ, ການລົງທຶນຢ່າງແຮງກ່ວາອີກ, ການຮ່ວມມືດ້ານເສດຖະ ກິດລະຫວ່າງ 2 ປະເທດນັບມື້ນັບເປີດກ້ວາງ ດ້ວຍເລື່ອງ 2 ຝ່າຍພວມຜັນຂະຫຍາຍຍຸດທະສາດຫັນເປັນອຸດສາຫະກຳໃນຂອບເຂດການຮ່ວມມື ຫວຽດນາມ-ຍີ່ປຸ່ນ, ກໍ່ຄືບັນດາຄວາມຄືບໜ້າໃນວິວັດການຮ່ວມສຳພັນເສດຖະກິດພາກພື້ນຄື ການສ້າງຕັ້ງປະຊາຄົມ ອາຊຽນ, ການເຈລະຈາສັນຍາຄູ່ຮ່ວມມືຂ້າມປາຊີຟິກ (TPP).