(vov world) ​ໂຄງການ​ຈຸດໝາຍ​ແຫ່ງ​ຊາດກໍ່ສ້າ​ງຊົນນະ​ບົດ​ໃໝ່​ແມ່ນ​​ແຜນນະ​ໂຍບາຍ​ໃຫຍ່​ຄວນ​ຢືດໝັ້ນ​ປະຕິບັດ​​ເປັນ​ປະຈຳ. ບັນດາ​ທ້ອງ​ຖີ່​ນຕ້ອງ​ຍາດ​ແຍ່ງ​ກາລະ​ໂອກາດ​ໃຫ້​​ໂຄງການ​ພັດທະນາ​​ແຂງ​ແຮງ​ກ່ວາ​ອີກ ​ແລະ ມີ​ປະສິດທິ​ຜົນສ່ວນ​ໃດ​ສ່ວນ​ໜຶ່ງ ທ່ານ​ຮ​ອງນາຍົກລັດຖະມົນຕີຫວຽດນາມ ຫວູວັນ​ນິນ ​ໄດ້​ຢືນຢັນ​ຄື​ດັ່ງກ່າວ​ທີ່​ກອງ​ປະຊຸມ​ຄະນະ​ຊີ້​ນຳ​ສູນ​ກາງ​​ໂຄງການ​ຈຸດໝາຍ​ແຫ່ງ​ຊາດ​ກໍ່ສ້າງ​ຊົນນະບົດ​ໃໝ່​ທີ່​ໄດ້​ຈັດ​ຕັ້ງ​​ໃນ​ຕອນບ່າຍ​ວັນ​ທີ 3/2, ຢູ່​ຮ່າ​ໂນ້ຍ. ຕາມ​ທ່ານ​ຮອງ​ນາຍົກລັດຖະມົນຕີ​ແລ້ວ, ນີ້​​ແມ່ນ​​ໂຄງການ​ມີ​ໄລຍະ​ຍາວ, ຈຸດໝາຍ​ກໍ່ສ້າງ​ແມ່ນ​ຍືນ​ຍົງ. ດັ່ງ​ນັ້ນ, ບັນດາ​ມະຕະ​ຖານ​ປະຕິບັດ​ກໍ່​ຕ້ອງ​ມີ​ເວລາ​ຈຶ່ງ​ບັນລຸ​ໄດ້. ກ່ຽວ​ກັບ​ການ​ຜັນ​ຂະຫຍາຍ​ປະຕິບັດ​​ໂຄງການ​ໃນ​ປີ 2012, ທ່ານ​ຮ​ອງນາຍົກລັດຖະມົນຕີ ​ເນັ້ນ​ໜັກ​ວ່າ: ​ເຮັດ​ແນວ​ໃດ​ເພື່ອ​ໃຫ້​ປະຊາຊົນ​ເຫັນ​ໄດ້​ວ່າ ການ​ກໍ່ສ້າງ​ຊົນນະບົດ​ແມ່ນ​ວຽກ​ງານ​ຂອງ​ເຂົາ​ເຈົ້າ ດັ່ງ​ນັ້ນຈຶ່ງ​ບັນລຸ​ປະສິດ​ທິຜົນ. ຈາກ​ນັ້ນ​ແມ່ນ​ການ​ບຳລຸງ​ສ້າງ​ຖັນ​ແຖວ​ພະນັກງານ, ກວດກາ ​ແລະ ​ແນະນຳ​​ວຽກ​ງານ​ວາງ​ແຜນ​ກຳນົດ​ຢູ່​ທ້ອງ​ຖີ່​ນຢ່າງ​ລະອຽດ, ພິ​ເສດ​ແມ່ນ​ຖື​ການວາງ​ແຜນ​ກຳນົດ​ການ​ຜະລິດ​ເປັນ​ສຳຄັນ.

ມາ​ຮອດ​ປະຈຸ​ບັນ, 63 ​ແຂວງ, ນະຄອນ​ຂອງ​ຫວຽດນາມ​ໄດ້​ສ້າງ​ສຳ​ເລັດ​ການ​ຕີ​ລາຄາ​​ສະພາບ​ຕົວ​ຈິງ​ຢູ່ເຂດ​ຊົນນະບົດ​ໃໝ່​ຕາມ 19 ມາດຖານ. ບັນດາ​ທ້ອງ​ຖີ່​ນກໍ່​ໄດ້​ປ່ອຍ​ເງິນ​ກ່ວາ 3.310 ຕື້​ດົ່ງ​ເພື່ອ​ລົງ​ທຶນ​ກໍ່ສ້າງ​ພື້ນຖານ​ໂຄງ​ລ່າງ​ທີ່​ຈຳ​ເປັນ, ສະຫງວນເງິນ​ຈຳນວນ​ເກືອບ 112 ຕື້​ດົ່ງ​ໃຫ້​ແກ່​ການ​ກໍ່ສ້າງ​ພັດທະນາ​ບັນດາ​ຮູ​ບ​ແບບ​ການ​ຜະລິດ​ສິນ​ຄ້າ ​ເພີ່ມ​ລາຍ​ຮັບ​ໃຫ້​ແກ່​ປະຊາຊົນ.