(vovworld)- ຕອນ​ເຊົ້າ​ ວັນ​ທ​ີ 17/11, ຢູ່​ຮ່າ​ໂນ້ຍ, ທ່ານ​ ນາງ ດັ້ງ​ທິ​ຫງອກ​ທິ້ງ ຮອງ​ປະ​ທານ​ປະ​ເທດ ໄດ້ເຂົ້າ​ຮ່ວມວາ​ລະ​ເປີດກອງ​ປະ​ຊຸມ​ສາກົນຂັ້ນ​ສູງ ຄັ້ງ​ທີ 3 ກ່ຽວ​ກັບ​ຕ້ານ​ການ​ຄ້າ​ຂາຍ​​ບັນ​ດາ​ສັດ​ປ່າ, ພື​ດ​ທຳ​ມະ​ຊາດ ຢ່າງຜິດ​ກົດ​ໝາຍ. ເຂົ້າ​ຮ່ວມກອງ​ປະ​ຊຸມ​ຍັງ​ມີ​ ທ່ານ ສອນ​ໄຊ ສີ​ພັນ​ດອນ ຮອງ​ນາ​ຍົກ​ລັດ​ຖະ​ມົນ​ຕີ ສ​ປ​ປ​ລາວ, ທ່ານ William Arthur Philip Louis ເຈົ້າ​ຊາຍ​ແຫ່ງລາ​ຊະ​ອາ​ນາ​ຈັກ​ອັງ​ກິດ, ​ທ່ານ Yury Fedotov ຮອງ​ເລ​ຂາ​ທິ​ການ​ໃຫຍ່​ສະ​ຫະ​ປະ​ຊາ​ຊາດ ແລະ ຜູ້​ແທນ, ຜູ້​ຕາງ​ໜ້າການ​ນຳ​ບັນ​ດາ​ອົງ​ການ​​ລະ​ຫວ່າງ​ລັດ​ຖະ​ບານ, ອົງ​ການ​ຈັດ​ຕັ້ງ​ສາ​ກົນ ເກືອບ 100 ທ່ານ. ກ່າວ​ຄວາມ​ເຫັນ​​ເປີດກອງ​ປະ​ຊຸມ, ທ່ານ​ ນາງ ດັ້ງ​ທິ​ຫງອກ​ທິ້ງ ຮອງ​ປະ​ທານ​ປະ​ເທດ ຊີ້​ແຈ້ງວ່າ: ​ຫວຽດ​ນາມ ແມ່ນ​ປະ​ເທດ​ເຂົ້າ​ຮ່ວມ​ບັນ​ດາ​ສົນ​ທິ​ສັນ​ຍາ​ສະ​ຫະ​ປະ​ຊາ​ຊາດ ກ່ຽວ​ກັບ​ຊີ​ວະ​ສາດຫຼາຍ​ຮູບຫຼາຍ​ແບບ; ສົນ​ທິ​ສັນ​ຍາສາ​ກົນ​​ ກ່ຽວ​ກັບ​ປ້ອງ​ກັນ​ຕ້ານ​ອາ​ສະ​ຍາ​ກຳ​ຂ້າມ​ຊາດ ກ່ຽວ​ກັບ​ການ​ຄ້າ​ຂາຍ​​ສັດ​ປ່າ, ພືດ​ທຳ​ມະ​ຊາດກ່ອນ​ໝູ່… ຫວຽດ​ນາມ ​ໃຫ້​ບຸ​ລິ​ມະ​ສິດ​​ແກ່​ການສ້າງ​ຕັ້ງ​ບັນ​ດາ​ກຳ​ລັງ​ສະ​ເພາະ​ກິດ​​ປະ​ຕິ​ບັດ​ກົດ​ໝາຍ ໃນ​ບັນ​ດາ​ຂົງ​ເຂດ​ນີ້ເຊັ່ນ: ກວດ​ກາ​ປ່າ​ໄມ້, ຕຳຫຼວດ​ສິ່ງ​ແວດ​ລ້ອມ, ພາ​ສີ​ອາ​ກອນ, ທະ​ຫານ​ປ້ອງ​ກັນຊາຍ​ແດນ, ຄຸ້ມ​ຄອງ​ຕະຫຼາດ, ແນ​ໃສ່​ປະ​ຕິ​ບັດບັນ​ດາ​ຄຳ​ໝັ້ນ​ສັນ​ຍາ ໃນ​ບັນ​ດາ​ສົນ​ທິ​ສັນ​ຍາ​ສາ​ກົນ ທີ່​ຫວຽດ​ນາມ​ໄດ້​ເຂົ້າ​ຮ່ວມ​ເປັນ​ຢ່າງ​ດີ.

        ກອງ​ປະ​ຊຸມ​ສາ​ກົນ​ຂັ້ນ​ສູງ ຄັ້ງ​ທີ 3 ກ່ຽວ​ກັບ​ຕ້ານ​ການ​ຄ້າ​ຂາຍ​ ບັນ​ດາ​ສັດ​ປ່າ, ​ພືດ​ທຳ​ມະ​ຊາດ ​ຢ່າງຜິດ​ກົດ​ໝາຍ ເພື່ອ​ແນ​ໃສ່​ສະ​ແດງ​ຄຳ​ໝັ້ນ​ສັນ​ຍາ​ສາ​ກົນ ຢູ່​​ລະ​ດັບ​ສູງ​ສຸດ ໃນການ​ຕ້ານ​ການ​ຄ້າ​ຂາຍ​ ​ບັນ​ດາ​ສັດ​ປ່າ, ພືດ​ທຳ​ມະ​ຊາດ ​ຢ່າງຜິດ​ກົດ​ໝາຍ.