(vovworld) – ກອງ​ປະຊຸມ​ລັດຖະມົນຕີ​ການທ່ອງທ່ຽວ APEC ຄັ້ງ​ທີ 8 – 2014 ຫາ​ກໍ່​ຈັດ​ຕັ້ງ​ຢູ່ ມາ​ເກົາ, ປະ​ເທດ ຈີນ ດ້ວຍ​ຫົວ​ຂໍ້​ວ່າ “ສ້າງ​​ອະນາຄົດ​ຜ່ານ​ກາ​ນພົວພັນ​ຄູ່ຮ່ວມ​ມື ອາຊີ - ປາຊີ​ຟິກ”. ທີ່​ກອງ​ປະຊຸມ​ນີ້, ບັນດາ​ລັດຖະມົນຕີ ​ໄດ້​ເຫັນ​ດີ​ເປັນ​ເອກະສັນ​ຮັບ​ຮອງ​ເອົາ​ຖະ​ແຫຼ​ງການ ມາ​ເກົາ ກ່ຽວ​ກັບ​ການ​ສ້າງ​ອະນາຄົດ​ໃໝ່​ໃຫ້​ແກ່​ການ​ຮ່ວມ​ມື ​ແລະ ພັດທະນາ​ການທ່ອງທ່ຽວ ອາຊີ - ປາຊີ​ຟິກ.

    ຄະນະ​ຜູ້​ແທນ ຫວຽດນາມ ​ໂດຍ​ທ່ານ​ຮອງ​ລັດຖະມົນຕີ​ກະຊວງ​ວັດທະນະທຳ, ກິລາ ​ແລະ ການທ່ອງທ່ຽວ ​ໂຮ່​ແອ​ງຕ໋ວນ ນ​ຳໜ້າ​​ໄດ້​ມີ​ການ​ເຄື່ອນ​ໄຫວ​ຫຼາຍ​ຢ່າງ​ທີ່​ໄດ້​ຮັບ​ການ​ຕີ​ລາຄາ​ສູງ​ທີ່​ເຫດການ​ດັ່ງກ່າວ. ທ່ານ​ຮອງ​ລັດຖະມົນ​ຕີ ໂຮ່​ແອ​ງຕ໋ວນ ຖື​ວ່າ: ບັນດາ​ສະມາ​ຊິກ APEC ຄວນ​ໜູນ​ຊ່ວຍ​​ເຊິ່ງກັນ ​ແລະ ກັນ​ໃນ​ການ​ກໍ່ສ້າງ, ນຳ​ໃຊ້​ເຕັກ​ໂນ​ໂລ​ຢີ​ໃໝ່​ໃນ​ຂະ​ແໜງ​ທ່ອງ​ທ່ຽວ, ມຸ່ງ​ໄປ​ເຖິງ​ການ​ພັດທະນາ​ການທ່ອງ​ທ່ຽວ​ສະຫຼາດ. ທ່ານ​ຮອງ​ລັດຖະມົນ​ຕີ ໂຮ່​ແອ​ງຕ໋ວນ ຢັ້ງຢືນ​ວ່າ: ການທ່ອງທ່ຽວ ຫວຽດນາມ ປາດ​ຖະໜາ​ຢາກ​ເປີດ​ກ້ວາງ​ການ​ຮ່ວມ​ມື, ​ແມ່ນ​ຄູ່​ຮ່ວມ​ມື​ໜ້າ​ໄວ້​ເນື້ອ​ເຊື່ອ​ໃຈ​ກັບ​ບັນດາ​ພື້ນຖານ​ເສດຖະກິດ​ສະມາຊິກ​ຂອງ APEC, ປະກອບສ່ວນ​ສືບ​ຕໍ່​ຢັ້ງຢືນ​ບົດບາດ​ຂອງ​ຂະ​ແໜງ​​ເສດຖະກິດ​ທ່ອງ​ທ່ຽວ​ໃຫ້​ແກ່​ການ​ພັດທະນາ ​ແລະ ວັດທະນາ​ຖາວອນ​ລວມຂອງ APEC.