(ພາບປະກອບ: TTXVN)

ເປົ້າໝາຍຂອງແຜນການດັ່ງກ່າວແມ່ນເພື່ອແນໃສ່ຮັກສາທ່າເຕີບໂຕດ້ານເສດຖະກິດແບບຍືນຍົງ ໄປຄຽງຄູ່ກັບຄວາມກ້າວໜ້າ, ຍຸຕິທຳສັງຄົມ ແລະ ຮັກສາສິ່ງແວດລ້ອມທຳມະຊາດ, ຄຸ້ມຄອງ ແລະ ນຳໃຊ້ແຫຼ່ງຊັບພະຍາກອນທຳມະຊາດຢ່າງມີປະສິດທິຜົນ, ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ; ຮັບປະກັນໃຫ້ປະຊາຊົນທຸກຄົນໄດ້ເສີມຂະຫຍາຍທຸກຄວາມສາມາດບົ່ມຊ້ອງ, ເຂົ້າຮ່ວມ ແລະ ຊົມໃຊ້ຄວາມສະເໝີພາບຈາກໝາກຜົນຂອງການພັດທະນາ.

        ເພື່ອບັນລຸໄດ້ 17 ຄາດໝາຍທີ່ໄດ້ວາງອອກ, ໃນໄລຍະ 2017 – 2020, ຫວຽດນາມ ຈະສ້າງລະບົບກົດລະບຽບການພັດທະນາແບບຍືນຍົງໃຫ້ສຳເລັດ; ປີ 2018 ສ້າງສຳເລັດແຜນການກະທຳຂອງບັນດາກະຊວງ, ຂະແໜງການ, ທ້ອງຖິ່ນ, ສຳນັກງານ, ອົງການຈັດຕັ້ງ… ພ້ອມທັງ, ປະຕິບັດບັນດາການເຄື່ອນໄຫວໂຄສະນາສື່ມວນຊົນ, ສຶກສາເພື່ອແນໃສ່ຍົກສູງຄວາມຮັບຮູ້ຂອງທົ່ວສັງຄົມກ່ຽວກັບບັນດາເປົ້າໝາຍພັດທະນາແບບຍືນຍົງ; ພັດທະນາແຫຼ່ງຊັບພະຍາກອນມະນຸດ, ໂດຍສະເພາະແມ່ນແຫຼ່ງຊັບພະຍາກອນມະນຸດທີ່ມີຄຸນນະພາບສູງ. ໄລຍະ 2021 – 2030 ຈະຜັນຂະຫຍາຍບັນດາໜ້າທີ່, ມາດຕະການແກ້ໄຂຂອງແຜນການກະທຳຢ່າງຄົບຊຸດ ເພື່ອປະຕິບັດບັນດາເປົ້າໝາຍພັດທະນາແບບຍືນຍົງຂອງຫວຽດນາມ ຮອດປີ 2030 ບັນລຸຜົນສຳເລັດ.