ຫວຽດນາມພິສູດໃຫ້ເຫັນບົດບາດສຳຄັນເມື່ອເປັນເຈົ້າພາບຈັດຕັ້ງ IPU 132
ດ້ຽບແອງ, ນັກຂ່າວ VOV ປະຈຳລັດເຊຍ -
(ທ່ານ Andray Klimov, ຮອງປະທານກຳມາທິການ
ການຕ່າງປະເທດສະພາສູງລັດເຊຍ)
(vovworld) – ຫວ່າງແລ້ວນີ້, ທີ່ການພົບປະກັບເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສສ.ຫວຽດນາມ ປະຈຳສະຫະພັນລັດເຊຍ ຫງວຽນແທງເຊີນ, ທ່ານ Andray Klimov, ຮອງປະທານກຳມາທິການການຕ່າງປະເທດສະພາສູງລັດເຊຍ, ໄດ້ແລກປ່ຽນບັນດາເນື້ອໃນກ່ຽວກັບການຮ່ວມມືລະຫວ່າງ 2 ປະເທດ ແລະ 2 ສະພາແຫ່ງຊາດ. ເນື່ອງໃນໂອກາດຫວຽດນາມ ພວມຕັ້ງໜ້າກະກຽມໃຫ້ວຽກງານຈັດຕັ້ງກອງປະຊຸມໃຫຍ່ລັດຖະສະພາລະຫວ່າງຊາດໂລກ (IPU). ເມື່ອຕອບສຳພາດຕໍ່ນັກຂ່າວຫວຽດນາມ ປະຈຳສະຫະພັນລັດເຊຍ ກ່ຽວກັບເນື້ອໃນດັ່ງກ່າວ. ທ່ານ Andray Klimov ໃຫ້ຮູ້ວ່າ.
“ຂ້າພະເຈົ້າຮູ້ສຶກປິຕິຊົມຊື່ນທີ່ສຸດເມື່ອຫວຽດນາມ ເປັນເຈົ້າພາບຈັດຕັ້ງເຫດການໃຫຍ່ ແລະ ສິ່ງດັ່ງກ່າວໄດ້ຢືນຢັນບົດບາດສຳຄັນຂອງຫວຽດນາມ. IPU ອາດຈະໄດ້ຮັບການຈັດຕັ້ງຢູ່ປະເທດອື່ນ, ແຕ່ຕາມຂ້າພະເຈົ້າແລ້ວ ຫວຽດນາມ ແມ່ນສະຖານທີ່ດີທີ່ສຸດ. ເຖິງວ່າບັນດາເພື່ອນຫວຽດນາມ ຂອງພວກຂ້າພະເຈົ້າ ບໍ່ທັນຈັດເວທີປາໄສໃຫຍ່ຄືແນວນີ້ຈັກເທື່ອ, ແຕ່ຂ້າພະເຈົ້າເຊື່ອໝັ້ນວ່າ, ດ້ວຍຄວາມມານະພະຍາຍາມລວມຂອງພວກເຮົາ, ນີ້ຈະກາຍເປັນງານພົບປະສັງສັນອັນດີງາມ.”
ດ້ຽບແອງ, ນັກຂ່າວ VOV ປະຈຳລັດເຊຍ