ທ່ານ Steven Joyce photo:internet

(vovworld) - ຫວຽດນາມ ​ແມ່ນ​ພາກສ່ວນ​ຫນຶ່ງ​ທີ່​ຂາດ​ບໍ່​ໄດ້ ​ແລະ ມີ​ບົດບາດຈຸດ​ສຸມ​ຕົ້ນຕໍ​ໃນ​ຍຸດ​ທະ​ສາດ​ຮ່ວມ​ມື​ກັບ ອາ​ຊຽນ ຂອງ ນີວ​ເຊີ​ແລນ. ທ່ານ Steven Joyce,  ລັດຖະມົນຕີ​ກະຊວງ​ພັດທະນາ​ເສດຖະກິດ ​ແລະ ​ທັງເປັນລັດຖະມົນຕີກະຊວງສຶກສາ​ມະຫາວິທະຍາ​ໄລ, ຄວາມ​ຊຳ​ນານ​ງານ ​ແລະ ​ແຮງ​ງານ​ ນິວ​ເຊີ​ແລນ ​ໄດ້​ເນັ້ນ​ຫນັກ​ຄື​ດັ່ງກ່າວ ທີ່​ການ​ພົບ​ປະ​ກັບ​ທ່ານ ​ເລ​ຮ່ວາງ​ກວນ, ປະທານ​ຄະນະ​ກຳມະການ​ປະຊາຊົນ ນະຄອນ​​ໂຮ່ຈິ​ມີນ ​ໃນ​ຕອນ​ບ່າຍ​ວັນ​ທີ 19/3. ທ່ານ Steven Joyce ​ໃຫ້​ຮູ້​ວ່າ: ການ​ຢ້ຽມຢາມ​ຂອງ​ທ່ານ ​ແລະ ຄະນະ ຄັ້ງ​ນີ້ ​ແນ​ໃສ່​ຊອກ​ຫາ​ກາລະ​ໂອກາດ, ຍູ້​ແຮງ​ການ​ພົວພັນ​ລະຫວ່າງ​ສອງ​ປະ​ເທດ ນິວ​ເຊີ​ແລນ ​ແລະ ຫວຽດນາມ,​​ໃນ​ນັ້ນ ມີ​ບັນດາ​ຂົງ​ເຂດ​ຄື: ການ​ສຶກສາ ​ແລະ ​ເສດຖະກິດ​ການ​ຄ້າ. ທ່ານ ​ເລ​ຮ່ວາງ​ກວນ ​ເນັ້ນ​ຫນັກ​ວ່າ: ສອງ​ຝ່າຍ ຄວນ​ສືບ​ຕໍ່​ຊຸກຍູ້​ການ​ພົວພັນ​ໃນ​ບັນດາ​ຂົງ​ເຂດ​ເສດຖະ​ກິດ, ການ​ຄ້າ. ມຸ່ງ​ໄປ​ສູ່​ການສະ​ເຫລີ​ມສະຫລອງ 40 ປີ​ແຫ່ງ​ວັນ​ສ້າງ​ການ​ພົວພັນ​ທາງ​ການ​ທູດ​ໃນ​ປີ 2015, ສອງ​ປະ​ເທດ​ຈະ​ສົມທົບ​ກັນ​ຈັດ​ຕັ້ງ​ການ​ເຄື່ອນ​ໄຫວ​​ແທດ​ຈິງ​ຫລາຍ​ຢ່າງ​ ​ແລະ ມີ​ຄວາມໝາຍ ຜ່ານ​ນັ້ນ​ເພີ່ມ​ທະວີ​ຄວາມ​ເຂົ້າ​ອົກ​ເຂົ້າ​ໃຈ​ລະຫວ່າງ​ປະຊາຊົນ​ສອງ​ປະ​ເທດ.