ຫວຽດນາມມີຜູ້ຕິດເຊື້ອໂຄວິດ - 19 ຈຳນວນ 9.862 ຄົນໄດ້ຮັບການປິ່ນປົວຫາຍດີ
(VOVWORLD) - ນັບແຕ່ເວລາ 17 ໂມງ ຂອງວັນທີ 31 ສິງຫາ ຫາ ເວລາ 17 ໂມງຂອງວັນທີ 1 ກັນຍາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ໃໝ່ຕື່ມອີກ 11.434 ຄົນ. ໃນນັ້ນ, 5 ກໍລະນີມາຈາກຕ່າງປະເທດ ແລະ 11.429 ກໍລະນີຢູ່39 ແຂວງ ແລະ ນະຄອນໃນທົ່ວປະເທດ. ນະຄອນໂຮ່ຈິມິນມີຜູ້ຕິດເຊື້ອຫຼາຍກ່ວາໝູ່ ດ້ວຍ 5.363 ກໍລະນີ, ຖັດມາແມ່ນແຂວງບີງເຢືອງ 3.440ກໍລະນີ, ແຂວງດົງນາຍ 759 ກໍລະນີ, ຮ່າໂນ້ຍ 51 ກໍລະນີ.
 ຢູ່ເຂດແຍກຕົວຜູ້ຕິດເຊືອ |
ມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 473.530 ຄົນ, ສະເພາະວັນທີ 1 ກັນຍາ ມີຄົນເຈັບ 9.862 ຄົນ ໄດ້ຮັບການປິ່ນປົວຫາຍດີເປັນປົກກະຕິ. ອັນໄດ້ຍົກຍອດຈຳນວນຄົນເຈັບໄດ້ຮັບການປິ່ນປົວຫາຍດີ ຂຶ້ນເຖິງ 248.722 ຄົນ.
ແລະ ກໍໃນວັນທີ 1 ກັນຍາ ຫວຽດນາມມີຜູ້ຕິດເຊື້ອເສຍຊີວິດຕື່ມອີກ 364 ຄົນ ຢູ່ 18 ແຂວງ ແລະ ນະຄອນ, ອັນໄດ້ຍົກຍອດຈຳນວນຄົນເຈັບຕິດເຊື້ອໂຄວິດ-19 ຢູ່ຫວຽດນາມຖືກເສຍຊີວິດມາຮອດປັດຈຸບັນແມ່ນ 11.868 ຄົນ.