(ພາບປະກອບ:ອິນເຕີແນັດ)

( vovworld ) – ວັນ​ທີ 26/8,  ​ໃນ​ຂອບ​ເຂດ​ການ​ຢ້ຽມຢາມ​ລາວ ​ໃນລະຫວ່າງ​ວັນ​ທີ 25-26/8,​ ຄະນະ​ຜູ້​ແທນ​ສະຫະພັນ​ບັນດາ​ອົງການ​ຈັດຕັ້ງມິດຕະພາບ​ຫວຽດນາມ ​ໂດຍ​ທ່ານ​ປະທານ Vu Xuan Hong ​ເປັນ​ຫົວໜ້າ​ຄະນະ ​ໄດ້​ມີ​ການ​ພົບ​ປະ​ກັບທ່ານ ພັນ​ຄ​ຳ ວິພາ​ວັນ, ກຳມະການ​ກົມ​ການ​ເມືອງ, ລັດຖະມົນຕີ​ວ່າການ​ກະຊວງ​ສຶກສາທິການ ​ແລະ ກິລາ​ລາວ, ປະທານ​ສະມາຄົມ​ມິດຕະພາບ​ລາວ-​ຫວຽດນາມ. ທ່ານ Vu Xuan Hong ​ໄດ້​ແຈ້ງ​ໃຫ້​ຊາບໝາກຜົນ​ແຫ່ງ​ການ​ເຮັດ​ວຽກ​ກັບ​ບັນດາ​ອົງການ​ມີໜ້າ​ທີ່​ຮັບຜິດຊອບ​ລາວ ກ່ຽວ​ກັບ​ວຽກ​ງານ​ກະກຽມ​ຈັດຕັ້ງກອງ​ປະຊຸມເວທີ​ປາ​ໄສ​ປະຊາຊົນ​ອາຊີ-​ເອີ​ລົບ ຄັ້ງທີ 9 ຊື່​ງຄາດ​ວ່າ​ຈະ​ຈັດ​ຂຶ້ນ​ຢູ່​ລາວ ​ແຕ່​ວັນ​ທີ 17-20/11/2012. ທ່ານ Vu Xuan Hong ຢັ້ງຢືນ​ວ່າ ຫວຽດນາມ ຈະ​ສືບ​ຕໍ່​ຮ່ວມ​ມື​ກັບ​ລາວ ຢ່າງ​ແໜ້ນ​ແຟ້ນ​ເພື່ອ​ແນ​ໃສ່​ແບ່ງປັນ​ບົດຮຽນ, ຊ່ວຍ​ລາວ ຈັດຕັ້ງກອງ​ປະຊຸມເວທີ​ປາ​ໄສ​ປະຊາຊົນ​ອາຊີ-​ເອີ​ລົບ ກໍ່​ຄື​ບັນດາ​ກອງ​ປະຊຸມ​ອື່ນ​ໆສຳ​ເລັດ​ຜົນ, ປະກອບສ່ວນ​ອັນ​ແທດ​ຈິງ​ຂ່ຳນັບຮັບ​ຕ້ອນປີ​ສາມັກຄີ​ມິດຕະພາບ​ຫວຽດນາມ-​ລາວ 2012. ສ່ວນທ່ານ ພັນ​ຄ​ຳ ວິພາ​ວັນ ກໍ່​ປາດ​ຖະໜາ​ວ່າ ຫວຽດນາມ ຈະ​ເພີ່ມ​ທະວີ​ການ​ແລກປ່ຽນ​ບົດຮຽນ, ຊ່ວຍ​ເຫຼືອ​ລາວ ​ຈັດ​ເວທີ​ປາ​ໄສ​ດັ່ງກ່າວ​ສຳ​ເລັດ. ປະກອບສ່ວນ​ສ້າງ​ການ​ພົວພັນ​ມິດຕະພາບ, ການ​ຮ່ວມ​ມື ​ແລະ ພັດທະນາ​ຢູ່​ພາກ​ພື້ນ ​ແລະ ຢູ່​ໃນ​ໂລກ.