(vovworld) – ​ວັນ​ທີ 8/4, ຢູ່​ນະຄອນຫຼວງ ວຽງ​ຈັນ ​ໄດ້​ດຳ​ເນີນ​ພິທີ​ມອບ​ສັນ​ຍາ​ຄື້ນ​ໂທລະ​ຄົມ​ລະຫວ່າງ​ກະຊວງ​ຖະ​ແຫຼ​ງຂ່າວ ​ແລະ ສື່ສານ ຫວຽດນາມ ​ແລະ ກະຊວງ​ໄປສະນີໂທລະ​ຄົມ ​ແລະ ​ສື່ສານ ລາວ. ກ່າວຄຳ​ເຫັນ​ທີ່​ພິທີ, ທ່ານ​ຮອງ​ລັດຖະມົນຕີ​ກະຊວງ​ຖະ​ແຫຼ​ງຂ່າວ ​ແລະ ສື່ສານ ຫວຽດນາມ ​ເລ​ນາມ​ຖັງ ຖື​ວ່າ: ສະຖານີ​ກວດສັນຍາ​ຄື້ນ​ໂທລະ​ຄົມ​ໄດ້​ຮັບ​ການ​ກໍ່ສ້າງ​ສະ​ແດງ​​ໃຫ້​ເຫັນບາດ​ກ້າວ​ໃໝ່ ​ແລະ ມີ​ລັກສະນະ​ຄົບ​ຊຸດ​ຂອງ​ກະຊວງ​ໄປສະນີ​ໂທລະ​ຄົມ ສື່ສານ ລາວ. ສູນ​ດັ່ງກ່າວ ຈະ​ປະກອບສ່ວນ​ສຳຄັນ​ເຂົ້າ​​ໃນ​ວິວັດ​ການ​ພັດທະນາ​ລະບົບ​ຖະ​ແຫຼ​ງຂ່າວ, ສື່ສານ ​ແລະ ຕິດ​ຕໍ່​ພົວພັນ​ຂອງ ລາວ.

    ​ໂຄງການ​ສະຖານີ​ກວດສັນຍາ​ຄື້ນ​ໂທລະ​ຄົມ​​ເລີ່​ມລົງມື​ກໍ່ສ້າງ​ແຕ່​ຕົ້ນ​ປີ 2013 ​ເຊິ່ງລວມມີ: ຕຶກ​ອາ​ຄານ 3 ຊັ້ນ​ດ້ວຍ​ອຸປະກອນ, ວັດ​ຖຸທີ່​ທັນ​ສະ​ໄໝ​ໃນ​ເນື້ອ​ທີ່ 10.000 ​​ຕາ​ລາງແມັດ​ ດ້ວຍ​ຍອດ​ຈຳນວນ​ທຶນ 106 ຕື້​ດົ່ງ, ​ໃນ​ນັ້ນ​ເງິນ​ຊ່ວຍ​ເຫຼືອ​ຫຼ້າ​ຂອງ​ລັດຖະບານ ຫວຽດນາມ ​ແມ່ນ 58 ຕື້​ດົ່ງ.