ການເຄື່ອນໄຫວຕ່າງ​ເພື່ອ​ສະ​ເຫລີ​ມສະຫລອງ​ 39 ປີ​ແຫ່ງ​ວັນ​ປົດ​ປ່ອຍ​ພາກ​ໃຕ້ photo:xahoi.com.vn

(vovworld)-ວັນທີ 30/4, ຫລາຍທ້ອງຖິ່ນຢູ່ຫວຽດນາມໄດ້ຈັດການເຄື່ອນໄຫວຕ່າງ​ເພື່ອ​ສະ​ເຫລີ​ມສະຫລອງ​ 39 ປີ​ແຫ່ງ​ວັນ​ປົດ​ປ່ອຍ​ພາກ​ໃຕ້, ​ໂຮມ​ປະ​ເທດ​ຊາດ​ເປັນ​​ເອກະ​ພາບ. ຕອນ​ຄຳ່​ວັນ​ທີ 30/4 ຢູ່ ນະຄອນ ​ໂຮ່ຈິ​ມີນ ​ໄດ້​ດຳ​ເນີນ​ລາຍການ​ພົບ​ປະ​ແລກປ່ຽນ ພະຍານ​ປະຫວັດສາດ ​ແລະ ສະ​ແດງ​ສິລະ​ປະ​ພິ​ເສດ ​ເພື່ອ​ຍ້ອງຍໍ​ຄວາມ​ໝາຍອັນ​ຍິ່ງ​ໃຫຍ່​ຂອງ​ໄຊຊະນະ​ດ້ຽນບຽນ​ຝູ. ຕອນ​ເຊົ້າ​ວັນ​ດຽວ​ກັນ, ຢູ່ ​​ແຂວງ ກວ໋າງຈີ້ ​ໄດ້​ຈັດ​ຕັ້ງ​ພິທີ​ຊັກ​ທຸງຊາດ ​ແລະ ຮັບ​ຫນັງສື​ຈັດອັນ​ດັບປູຊະນີຍະສະຖານ​ປະຫວັດສາດ​ລະດັບ​ຊາດ ສຳ​ລັບ ປູຊະນີຍະສະຖານປະຫວັດສາດ 2 ​ແຫ່ງ,​ນັ້ນ​ແມ່ນ ສອງ​ຟາກ​ແມ່​ນຳ​ຮ່ຽນ​ເລືອ​ງ - ​ເບ​ນຫາຍ ​ແລະ ກຳ​ແພງ​ເກົ່າ ກວ໋າງຈີ້. ກ່າວ​ຄຳ​ເຫັນ​ນະ​ທີ່​ນີ້, ທ່ານ ດີງ​​ເທ​ຮີ​ງ, ຫົວຫນ້າ​ຄະນະ​ໂຄສະນາ​ສຶກສາ​ສູນ​ກາງ ​ໄດ້​ຢືນຢັນ​ວ່າ: ນີ້​ແມ່ນ​ເຫດການ​ສຳຄັນ ສະ​ແດງ​ໃຫ້​ເຫັນ​ຄວາມ​ຮູ້​ບຸນຄຸນ​ຢ່າງ​ເລິກ​ເຊິ່ງຂອງ​ພັກ, ລັດ ​ແລະ ປະຊາຊົນ ທີ່​ມີ​ຕໍ່​ການ​ອຸທິດ​ສ່ວນ, ການ​ເສຍສະຫລະ​ຊີວິດ​ຂອງປະຊາຊົນ, ນັກຮົບ ​ເພື່ອ​ເອກະລາດ,​​ເສລີພາບ​ຂອງ​ປະ​ເທດ​ຊາດ.