ຫວຽດນາມສະໜັບສະໜູນເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ມາລີ
(VOVWORLD) -ວັນທີ 27 ກໍລະກົດ, ສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມກ່ຽວກັບມາລີໃນໄລຍະຫວ່າງມໍ່ໆມານີ້. ກອງປະຊຸມສະພາຄວາມໝັ້ນຄົງ ປສຊ ໄດ້ຮັບຟັງ ທູດພິເສດຂອງ ທ່ານເລຂາທິການໃຫຍ່, ທ່ານ Mahamat Saleh Annadif ຫົວໜ້າຄະນະປະຕິບັດງານ ສປຊ ປະຈຳ ມາລີ (MINUSMA) ໄດ້ລາຍງານອັບເດດສະພາບການ ແລະ ສະແດງຄວາມວິຕົກກັງວົນຕໍ່ບັນດາຄວາມເຄັ່ງຕຶງດ້ານການເມືອງ ຫວ່າງແລ້ວນີ້ຢູ່ມາລີ.
|
 ກອງປະຊຸມກ່ຽວກັບມາລີຂອງ ສະພາຄວາມໝັ້ນຄົງ ສປຊ
(ພາບ: ຄະນະປະຕິບັດງານຫວຽດນາມ ປະຈຳ ສປຊ)
|
ກ່າວຄຳເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ, ຫົວໜ້າຄະນະປະຕິບັດງານ ຂອງຫວຽດນາມ ປະຈຳ ສປຊ ໄດ້ຮຽກຮ້ອງໃຫ້ມີການໂອ້ລົມສົນທະນາ ແລະ ເຈລະຈາ ລະຫວ່າງ ບັນດາຝ່າຍເພື່ອແກ້ໄຂບັນດາຄວາມແຕກຕ່າງກັນໃນປັດຈຸບັນ, ພ້ອມທັງເນັ້ນໜັກເຖິງການສືບຕໍ່ປະຕິບັດຢ່າງຄົບຖ້ວນຂໍ້ຕົກລົງສ້າງສັນຕິພາບໃນປີ 2015 ຢ່າງຄົບຖ້ວນ, ສະເໜີໃຫ້ມີບັນດາມາດຕະການຮັບປະກັນຄວາມປອດໄພໃຫ້ແກ່ຊາວມາລີ, ພິເສດແມ່ນແມ່ຍິງ ແລະ ເດັກນ້ອຍ, ສະໜັບສະໜູນບົດບາດຂອງສປຊ, ສະຫະພາບອາຟຼິກກາ, ສະຫະພາບເອີລົບ…ໃນການຮັກສາສັນຕິພາບ ແລະ ຄວາມໝັ້ນຄົງຢູ່ມາລີ.