ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ໄດ້ໃຫ້ການຕ້ອນຮັບທ່ານ ເອກອັກຄະລັດຖະທູດ ອາແຢກບາຍຢານ Anar Imanov
|
(Vovworld)- ຕອນບ່າຍວັນທີ 25/10, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ໄດ້ໃຫ້ການຕ້ອນຮັບທ່ານ ເອກອັກຄະລັດຖະທູດ ອາແຢກບາຍຢານ Anar Imanov ແລະ ທ່ານເອກອັກຄະລັດຖະທູດແອັດປາຍ Alfonso Tena Garcia ເຂົ້າຢ້ຽມຄຳນັບເນື່ອງໃນໂອກາດມາຮັບໜ້າທີ່ການທູດຢູ່ຫວຽດນາມ.
ທີ່ການຕ້ອນຮັບ ທ່ານເອກອັກຄະລັດຖະທູດ ອາແຢກບາຍຢານ Anar Imanov, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ຫວຽດນາມຫວັງວ່າ ຈະພ້ອມກັບອາແຢກບາຍຢານ ສືບຕໍ່ນຳການພົວພັນລະຫວ່າງ 2 ປະເທດໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ, ເປັນຕົ້ນແມ່ນການຮ່ວມມືດ້ານເສດຖະກິດ, ການຄ້າ, ການລົງທຶນ, ການພົວພັນແລກປ່ຽນລະຫວ່າງປະຊາຊົນ....ສ່ວນທ່ານເອກອັກຄະລັດຖະທູດ ອາແຢກບາຍຢານ Anar Imanov ເນັ້ນໜັ້ກວ່າ ອາແຢກບາຍຢານ ຖືເປັນສຳຄັນພິເສດການພົວພັນຮ່ວມມືກັບຫວຽດນາມ, ຖືວ່ານີ້ແມ່ນໜຶ່ງໃນບັນດາບຸລິມະສິດໃນນະໂຍບາຍການຕ່າງປະເທດຂອງຕົນ.
ທີ່ການຕ້ອນຮັບທ່ານເອກອັກຄະລັດຖະທູດແອັດສປາຍ Alfonso Tena Garcia, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ລັດຖະບານຫວຽດນາມຈະສ້າງທຸກເງື່ອນໄຂສະດວກໃຫ້ແກ່ບັນດາວິສາຫະກິດຂອງ ແອັດສປາຍ ເຂົ້າມາຮ່ວມມືລົງທຶນ ທຳມາຄ້າຂາຍຢູ່ຫວຽດນາມ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ສະເໜີ ແອັດສປາຍ ສືບຕໍ່ຊ່ວຍເຫຼືອທຶນ ODA ໃຫ້ແກ່ຫວຽດນາມ. ສ່ວນທ່ານເອກອັກຄະລັດຖະທູດແອັດປາຍ Alfonso Tena Garcia ໃຫ້ຮູ້ວ່າ ປະຈຸບັນ ມີວິສາຫະກິດຫຼາຍແຫ່ງຂອງແອັດສປາຍ ມີຄວາມຫວັງຢາກມາຊອກຮູ້ຕະຫຼາດ, ຊອກຮູ້ກາລະໂອກາດ ລົງທຶນ ທຳມາຄ້າຂາຍຢູ່ຫວຽດນາມ.