ວັນທີ 03  ທັນວາ, ທ່ານພົນໂທ ຮ່ວາງຊວັນຈ໊ຽນ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ພ້ອມກັບທ່ານ Peter Tesch, ຮອງເລຂານຸການກະຊວງປ້ອງກັນປະເທດອົດສະຕາລີ ໄດ້ເປັນປະທານການເຈລະຈານະໂຍບາຍປ້ອງກັນຊາດຫວຽດນາມ-ອົດສະຕາລີ ຄັ້ງທີ 4 ທາງອອນລາຍ.

        ທີ່ການເຈລະຈາ, 2 ຝ່າຍໄດ້ຢືນຢັນຄຳໝັ້ນສັນຍາຊຸກຍູ້ການພົວພັນຮ່ວມມືດ້ານປ້ອງກັນຊາດໃນຂອບເຂດຄູ່ຮ່ວມມືຍຸດທະສາດລະຫວ່າງ 2 ປະເທດກວ່າອີກ. 2 ຝ່າຍກໍ່ປາດຖະໜາຢາກເປີດກວ້າງບາງເນື້ອໃນການຮ່ວມມືໃໝ່ ເຊິ່ງ 2 ຝ່າຍມີຄວາມຕ້ອງການ ແລະ ມີຄວາມສາມາດຄື: ເສນາຮັກ, ຄວາມໝັ້ນຄົງທາງດ້ານເຄືອຂ່າຍອີນເຕີແນັດ, ການຊອກຫາ-ກູ້ໄພກູ້ຊີບ, ອຸດສາຫະກຳປ້ອງກັນຊາດ…

        ເມື່ອເຕື້ອງເຖິງສະພາບການໂລກ, ພາກພື້ນທີ່ຕ່າງຝ່າຍຕ່າງມີຄວາມສົນໃຈ, 2 ຝ່າຍໄດ້ເປັນເອກະພາບຄວາມຮັບຮູ້ລວມກ່ຽວກັບຫຼັກການເຄົາລົບກົດໝາຍສາກົນ, ແກ້ໄຂບັນດາການຂັດແຍ້ງກັນໂດຍສັນຕິວິທີ, ບໍ່ນຳໃຊ້ ຫຼື ນາບຂູ່ນຳໃຊ້ອາວຸດ. 2 ຝ່າຍເຊື່ອໝັ້ນວ່າ, ພຽງແຕ່ຮ່ວມມືກັນເທົ່ານັ້ນ, ໂລກຈຶ່ງມີຄວາມສາມັກຄີ, ຮ່ວມແຮງຮ່ວມໃຈຜ່ານຜ່າ ແລະ ຟື້ນຟູພາຍຫຼັງໂລກລະບາດໂຄວິດ-19 ໄດ້.