(vovworld) – ​ ​ໃນ​ຂອບ​ເຂດ​ການ​ຢ້ຽມຢາມ ​ແລະ ​ເຮັດ​ວຽກ​ຢູ່​ປະ​ເທດ ​ແບນ​ຊິກ, ວັນ​ທີ 18/9, ຢູ່ Brussels, ທ່ານ​ຮອງ​ນາຍົກລັດຖະມົນຕີ ຫວຽດນາມ ຫວູວັນ​ນິງ ມີ​ການ​ພົບ​ປະ​ກັບທ່ານ​ຮອງ​ປະທານ​ຄະນະ​ກຳມະການ​ ​ເອີຣົບ (EC) Valdis Dombrovskis. ນະ​ທີ່​ນີ້, ທ່ານ​ຮອງ​ນາຍົກລັດຖະມົນຕີ ຫວູວັນ​ນິງ ​ໃຫ້​ຮູ້​ວ່າ: ຫວຽດນາມ ພວມ​ເປີດ​ກ້ວາງ​ການ​ພົວພັນ​ກັບຕ່າງປະ​ເທດ​, ການ​ຮ່ວມ​ມື​ສາກົນ, ​ໃນ​ນັ້ນ ອີ​ຢູ ​​ແມ່ນຄູ່​ຮ່ວມ​ມື​ໄດ້​ຮັບ​ການ​ບຸລິມະສິດ​ແຖວ​ໜ້າ. ຫວຽດນາມ ປາດ​ຖະໜາ​ຢາກ​ສືບ​ຕໍ່​ໄດ້​ຮັບ​ການ​ຮ່ວມ​ມືຢ່າງ​​ແຮງ​ຂອງຄະນະ​ກຳມະການ​ ​ເອີຣົບ(EC); ພ້ອມ​ທັງ, ສະ​ເໜີຄະນະ​ກຳມະການ​ ​ເອີຣົບ ຮັບຮອງ ຫວຽ​​ດນາມ ມີ​ພື້ນຖານ​ເສດຖະກິດ​ການ​ຕະຫລາດ​ໂດຍ​ໄວ ​ເມື່ອ​ສັນຍາ​ການ​ຄ້າ​ເສລີ ຫວຽດນາມ - ອີ​ຢູ ​ໄດ້​ຮັບການລົງ​ນາມ.

        ສ່ວນ​ທ່ານຮອງ​ປະທານ​ຄະນະ​ກຳມະການ​ ​ເອີຣົບ (EC) Valdis Dombrovskis ​ໃຫ້​ຮູ້​ວ່າ: 2 ຝ່າຍ​ພວມ​ປັບປຸງບັນດາ​ປັກ​ໃຈ​ດ້ານ​ເຕັກນິກ​ ເພື່ອ​ຮັບຮອງ ຫວຽດນາມ ​ແມ່ນ​ພື້ນ​ຖານ​ເສດຖະກິດ​ການ​ຕະຫລາດ. ທ່ານຮອງ​ປະທານ EC ກໍ​ຕີລາຄາ​ສູງ​ບົດບາດ ​ແລະ ບັນດາ​ການ​ປະກອບສ່ວນ​ຂອງ ຫວຽດນາມ ​ໃນ​ກຸ່ມ ອາ​ຊຽນ. ພ້ອມ​ທັງ, ຢືນຢັນ​ວ່າ: ບັນດາ​ການຂັດ​ແຍ້​ງກັນບົນ​ທະ​ເລ ຕ້ອງ​ໄດ້ຮັບການ​ແກ້​ໄຂ​ດ້ວຍ​ສັນຕິວິທີ, ບົນ​ພື້ນຖານກົດ​ໝາຍ​ສາກົນ ​ແລະ ສົນທິສັນຍາ​ສະຫະ​ປະຊາ​ຊາດ​ກ່ຽວ​ກັບ​ກົດໝາຍ​ວ່າ​ດ້ວຍ​ທະ​ເລ​ປີ 1982.