ທ່ານ ອວງຈູລູຍ ກ່າວຄຳເຫັນທີ່ກອງປະຊຸມ
(vovworld) – ວັນທີ 19/4, ຢູ່ນະຄອນຫຼວງມົດສະກູ, ສະຫະພັນ ລັດເຊຍ ໄດ້ຈັດຕັ້ງກອງປະຊຸມປະທານສະພາແຫ່ງຊາດບັນດາປະເທດ ອາຊີ - ເອີລົບ ຄັ້ງທີ 1 ທີ່ມີຫົວຂໍ້ວ່າ “ການຮ່ວມມືລະຫວ່າງທະວີບ ເພື່ອຜົນປະໂຫຍດຂອງບັນດາປະເທດ ອາຊີ - ເອີລົບ ໃນສະຕະວັດທີ 21”.
ໃນບົດກ່າວປາໄສໄຂກອງປະຊຸມ, ທ່ານ Sergey Naryshkin, ປະທານສະພາຕຳ່ ລັດເຊຍ, ເປັນປະທານຮ່ວມກອງປະຊຸມປະທານສະພາແຫ່ງຊາດ ອາຊີ - ເອີລົບ ຄັ້ງທີ 1, ໄດ້ຍົກໃຫ້ເຫັນໂດຍສັງເຂບກ່ຽວກັບສະພາບການຂອງພາກພື້ນ ແລະ ຢັ້ງຢືນທຸກໆການເຄື່ອນໄຫວເສດຖະກິດ, ການຄ້າສາກົນລ້ວນແຕ່ຕ້ອງໄດ້ຮັບການແລກປ່ຽນ ແລະ ປະຕິບັດດ້ວຍລະບົບການຄ້າທົ່ວໂລກ. ທ່ານປະທານຮ່ວມກອງປະຊຸມ Chung Ui Hua, ປະທານສະພາແຫ່ງຊາດ ສ. ເກົາຫຼີ ກໍ່ຢັ້ງຢືນຄວາມໝາຍຂອງກອງປະຊຸມດ້ວຍບັນດາບັນຫາ, ຄວາມຂາດສະຖຽນລະພາບຢູ່ພາກພື້ນ ແລະ ຫວັງວ່າເວທີປາໄສຄືແນວນີ້ຈະແມ່ນກາລະໂອກາດເພື່ອແກ້ໄຂບັນດາສິ່ງທ້າທາຍເຊັ່ນນັ້ນ.
ຕາງໜ້າໃຫ້ສະພາແຫ່ງຊາດ ຫວຽດນາມ, ທ່ານຮອງປະທານສະພາແຫ່ງຊາດ ອວງຈູລູວ, ກ່າວຄຳເຫັນແນະນຳກ່ຽວກັບສະພາບການຢູ່ ຫວຽດນາມ, ກ່ຽວກັບນະໂຍບາຍພົວພັນຕ່າງປະເທດຂອງປະເທດຊາດ. ທ່ານກ່າວວ່າ:
“ຫວຽດນາມ ຢັ້ງຢືນມີຄວາມສະໜິດຕິດພັນກັບວິວັດການຮ່ວມສຳພັນ ອາຊີ - ເອີລົບ. ຫວຽດນາມ ກຽມພ້ອມຮ່ວມມືກັບບັນດາປະເທດອື່ນໆໃນພາກພື້ນເພື່ອແນໃສ່ຜ່ານຜ່າທຸກໆສິ່ງທ້າທາຍ ແລະ ຍາດແຍ່ງບັນດາໂອກາດຂອງການຮ່ວມມື ອາຊີ - ເອີລົບ ໃນທົດສະວັດຈະມາເຖິງ.”
ເມື່ອສິ້ນສຸດມື້ເຮັດວຽກທຳອິດ, ບັນດາຜູ້ແທນເຂົ້າຮ່ວມກອງປະຊຸມໄດ້ຮັບຮອງເອົາຖະແຫຼງການຮ່ວມປະກອບດ້ວຍ 17 ຂໍ້, ຍົກອອກບັນດາຂໍ້ສະເໜີລະອຽດກ່ຽວກັບການຊຸກຍູ້ການພົວພັນຮ່ວມມືລະຫວ່າງບັນດາອົງການລັດຖະສະພາໃນພາກພື້ນ, ໃນຫຼາຍຂົງເຂດ.