ບັນດາເຈົ້າໜ້າທີ່ເຂົ້າຮ່ວມກອງປະຊຸມ

ກອງປະຊຸມຜູ້ບັນຊາການທະຫານບົກ ປາຊີຟິກ ຄັ້ງທີ 10 (PACC -10) ແລະ ກອງປະຊຸມສຳມະນາກ່ຽວກັບຄຸ້ມຄອງທະຫານບົກປາຊີຟິກ ຄັ້ງທີ 41 (PAMS-41) ໄດ້ໄຂຂຶ້ນໃນວັນທີ 18 ກັນຍາ ຢູ່ນະຄອນຫຼວງ ເຊີອູນ, ປະເທດ ສ ເກົາຫຼີ ດ້ວຍຫົວຂໍ້ວ່າ: “ເປັນເອກະພາບໃນຄວາມມານະພະຍາຍາມ: ສ້າງຄູ່ຮ່ວມມືດ້ານການທະຫານ - ພົນລະເຮືອນ ໃນກຳລັງທະຫານບົກ, ຮັບມືກັບບັນດາສິ່ງທ້າທາຍດ້ານຄວາມໝັ້ນຄົງບໍ່ແມ່ນການທະຫານ”. ຄະນະຜູ້ແທນກະຊວງປ້ອງກັນປະເທດ ຫວຽດນາມ ໂດຍ ພົນຕີ ຟ້າມຮົ່ງເຮືອງ, ຮອງຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ, ນຳໜ້າ, ເຂົ້າຮ່ວມບັນດາເຫດການດັ່ງກ່າວ. ກອງປະຊຸມ PACC ແມ່ນເວທີປາໄສເພື່ອໃຫ້ຜູ້ບັນຊາການກຳລັງທະຫານບົກຂອງບັນດາປະເທດໃນພາກພື້ນແລກປ່ຽນທັດສະນະ ກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈຂອງກຳລັງທະຫານບົກ, ສ້າງຕັ້ງ ແລະ ເພີ່ມທະວີການພົວພັນ, ຊຸກຍູ້ການຮ່ວມມືປ້ອງກັນຄວາມສະຫງົບໃນພາກພື້ນ. ເລື່ອງກະຊວງປ້ອງກັນປະເທດ ຫວຽດນາມ ສົ່ງຄະນະຜູ້ແທນ ເຂົ້າຮ່ວມເຫດການນີ້ສືບຕໍ່ເປັນການຢືນຢັນບົດບາດຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງ ຫວຽດນາມ ສຳລັບບັນດາບັນຫາສາກົນ ແລະ ພາກພື້ນ, ສະແດງໃຫ້ເຫັນເຈດຕະນາດີຂອງ ຫວຽດນາມ ປາດຖະໜາຢາກຊຸກຍູ້ການພົວພັນມິດຕະພາບ, ການຮ່ວມມື ແລະ ແບ່ງປັນບົດຮຽນ ກັບບັນດາປະເທດ ໃນການແກ້ໄຂບັນດາສິ່ງທ້າທາຍດ້ານຄວາມໝັ້ນຄົງລວມ, ຜ່ານນັ້ນ ສ້າງຄວາມໄວ້ເນື້ອເຊື່ອໃຈ ພື້ນຖານເພື່ອຊຸກຍູ້ການຮ່ວມມືເພື່ອສັນຕິພາບ ແລະ ການພັດທະນາ.