(vovworld) - ກອງປະຊຸມສຸດຍອດແມ່ຍິງທົ່ວໂລກຄັ້ງທີ 26 ຖືກໄຂຂຶ້ນໃນຕອນຄ່ຳວັນທີ 09/06 (ຕາມເວລາທ້ອງຖິ່ນ) ຢູ່ນະຄອນຫຼວງ Vacsava, ສ.ໂປໂລຍ ດ້ວຍຫົວຂໍ້ວ່າ “ແມ່ຍິງສ້າງພື້ນຖານເສດຖະກິດຮອບດ້ານໃນຍຸກສະໄໝດີຈີຕອນ”. ນີ້ແມ່ນເວທີປາໄສໃຫຍ່ຂອງແມ່ຍິງ ເຊິ່ງໄດ້ຈັດຂຶ້ນປະຈຳປີນັບແຕ່ປີ 1990 ເພື່ອແນໃສ່ເພີ່ມທະວີຄວາມຮັບຮູ້ສາກົນກ່ຽວກັບຄວາມສະເໝີພາບລະຫວ່າງຍິງ - ຊາຍ ແລະ ຊຸກຍູ້ບົດບາດຂອງແມ່ຍິງ ໃນຊີວິດສັງຄົມທຸກດ້ານ, ພິເສດແມ່ນໃນຂົງເຂດເສດຖະກິດ. ທ່ານນາງຮອງປະທານປະເທດ ດັ້ງທິຫງອກທິ້ງ, ໄດ້ນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ.
ກ່າວຄຳເຫັນນະທີ່ນີ້, ທ່ານນາງຮອງປະທານປະເທດ ດັ້ງທິຫງອກທິ້ງ ຢືນຢືນເຖິງບັນດາຜົນງານກ່ຽວກັບການຮັບປະກັນຄວາມສະເໝີພາບລະຫວ່າງຍິງ - ຊາຍຢູ່ຫວຽດນາມ. ຕາມນັ້ນແລ້ວ, ຫວຽດນາມ ແມ່ນໜຶ່ງໃນບັນດາປະເທດທີມີອັດຕາສ່ວນແມ່ຍິງເຂົ້າຮ່ວມກົງຈັກການເມືອງສູງ, ໃນນັ້ນມີແມ່ຍິງທີ່ເປັນປະທານສະພາແຫ່ງຊາດ 1 ທ່ານ, ເປັນຮອງປະທານປະເທດ 1 ທ່ານ ແລະ ແມ່ຍິງດຳລົງຕຳແໜ່ງເປັນລັດຖະມົນຕີ, ຮອງລັດຖະມົນຕີ ແລະ ຕຳແໜ່ງທຽບເທົ່ານັບສິບໆທ່ານ. ທ່ານນາງຮອງປະທານປະເທດ ຢືນຢັນວ່າ, ແມ່ຍິງຫວຽດນາມ ໄດ້ສວມບົດບາດຫຼັກແຫຼ່ງໃນວິວັດແຫ່ງການສ້າງສາ, ພັດທະນາປະເທດຊາດ ແລະ ເຊື່ອມໂຍງເຂົ້າກັບສາກົນໃນປະຈຸບັນ, ພ້ອມທັງສະໜອງຂໍ້ມູນກ່ຽວກັບບັນດານະໂຍບາຍຢ່າງຄົບຊຸດຂອງຫວຽດນາມ ເພື່ອແນໃສ່ຍົກສູງທີ່ຕັ້ງບົດບາດຂອງແມ່ຍິງ ແລະ ສົ່ງເສີມການເຂົ້າຮ່ວມຢ່າງຮອບດ້ານຂອງແມ່ຍິງໃນທຸກຂົງເຂດຊີວິດທາງດ້ານການເມືອງ, ເສດຖະກິດ, ສັງຄົມ.