ນີ້ແມ່ນການເຄື່ອນໄຫວເພື່ອແນໃສ່ຂຸດຄົ້ນບັນດາການເຄື່ອນໄຫວຮ່ວມມືລະຫວ່າງອິນເດຍ ກັບບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ (CLMV). ດ້ວຍຫົວຂໍ້ວ່າ “ເຊື່ອມໂຍງດ້ານເສດຖະກິດຜ່ານລະບົບມູນຄ່າ”, ກອງປະຊຸມໄດ້ດຶງດູດຜູ້ແທນມາຈາກອິນເດຍ ແລະ ບັນດາປະເທດ CLMV ເຂົ້າຮ່ວມເກືອບ 300 ຄົນ. ກອງປະຊຸມນີ້ໄດ້ສຸມໃສ່ໂຄສະນາຄວາມສາມາດບົ່ມຊ້ອນດ້ານຜະລິດຕະພັນກະເສດ, ຜະລິດຕະພັນກະສິກຳຂອງອິນເດຍ ແລະ ບັນດາປະເທດ CLMV; ເພີ່ມທະວີການເຊື່ອມຕໍ່ທາງບົກ, ທາງອາກາດ ແລະ ທາງທະເລ; ຊຸກຍູ້ການຮ່ວມມືດ້ານການບໍລິການ, ວິທະຍາສາດເຕັກໂນໂລຊີ…

        ບັນດາຂໍ້ມູນຂ່າວຈາກຄະນະຜູ້ແທນຫວຽດນາມ ແມ່ນໄດ້ແບ່ງປັນກ່ຽວກັບໝາກຜົນທີ່ບັນລຸໄດ້ໃນການຮ່ວມມືກ່ຽວກັບເລື່ອງ ບໍລິສັດການບິນ Indigo (ອິນເດຍ) ເປີດສະຫຼອງສາຍການບິນໂດຍກົງລະຫວ່າງ Kolkata – Hanoi ໃນຕົ້ນເດືອນຕຸລາ 2019 ແລະ ແຜນການ Vietjet Air ເປີດສາຍການບິນຈາກຮ່າໂນ້ຍ, ນະຄອນໂຮ່ຈີມິນ ໄປ ນິວເດລີ ໃນເດືອນທັນວາຈະມາເຖິງ.