(vovworld) – ​​ໃນ​ລະຫວ່າງ​ວັນ​ທີ 27/3 – 31/3, ງານ​ວາງສະ​ແດງຊາ​ ​ແລະ ກາ​ເຟສາກົນ​(MITCE) 2014 ຖືກ​ດຳ​ເນີນຢູ່​ນະຄອນຫຼວງ ກູ​ລາ​ລຳ​​ເປີ ປະ​ເທດ ມາ​ເລ​ເຊຍ, ອັນ​ໄດ້​ດຶງ​ດູດ​ການ​ເຂົ້າຮ່ວມ​ຂອງ​ຫຼາຍປະ​ເທດ​ຢູ່​ໃນ​ໂລກ, ​ໃນ​ນັ້ນມີ ຫວຽດນາມ. ຢູ່​ຮ້ານ​ວາງ​ສະ​ແດງສິນຄ້າຂອງອົງການ​ການຄ້າ​ສະຖານທູດ ຫວຽດນາມ ປະຈຳ ມາ​ເລ​ເຊຍ, ຜູ້​ຊົມ​ມີ​ຄວາມ​ປະ​ທັບ​ໃຈ​ຕໍ່​ບັນດາ​ຜະລິດ​ຕະພັນ​ຊາ, ​ກ​າ​ເຟທີ່​ອຸດົມສົມ​ບຸນ​ຂອງ ຫວຽດນາມ, ພິ​ເສດ​ແມ່ນ​ກາ​ເຟ ຈຸ​ງງວຽນ. ທ່ານ​ນາງ ຮ່ວາງ​ທິລຽນ, ຜູ້​ຕ່າງໜ້າ ອົງການ​ການຄ້າ​ສະຖານທູດ ຫວຽດນາມ​ ​ໃຫ້​ຮູ້​ວ່າ ອົງການ​ການຄ້າ​ສະຖານທູດ ຫວຽດນາມ ປະຈຳ ມາ​ເລ​ເຊຍ ​ເຂົ້າຮ່ວມ​ງານ​ວາງສະ​ແດງຊາ​ ​ແລະ ກາ​ເຟສາກົນຄັ້ງນີ້​ແນ​ໃສ່​ໂຄສະນາ ​ແລະ ຊຸກຍູ້​ການ​ສົ່ງ​ອອກ​ໃຫ້​ຜະລິດ​ຕະພັນ​ຊາ ​ແລະ ກາ​ເຟຂອງ ຫວຽດນາມ.

     ​ໃນ​ປີ 2013, ການ​ສົ່ງ​ອອກ​ຊາ​​ໄປຍັງ ມາ​ເລ​ເຊຍ ບັນລຸ​ໄດ້ 3,7ລ້ານUSD ​ແລະ ກາ​ເຟ​ແມ່ນ 40ລ້ານUSD, ສິ່ງ​ດັ່ງກ່າວສະ​ແດງ​ໃຫ້​ເຫັນ​ຄວາມ​ຕ້ອງການ​ທີ່​ແທດ​ຈິງ​ຂອງ​ຕະຫຼາດ ມາ​ເລເຊຍ​ ​ເຊີ່ງ​ວິ​ສາ​ຫະກິດ ຫວຽດນາມ ພວມຕອບ​ສະໜອງ ​ແລະ ນັບ​ມື້ນັບ​ຕອບ​ສະໜອງ​ໄດ້. ຕາມ​ການ​ສະຖິຕິ​ຂອງ​ກົມ​ໃຫຍ່​ພາສີ ຫວຽດນາມ, ​ໃນ​ເດືອນ 1/2014, ຜະລິດ​ຕະພັນ​ຊາ ​ແລະ ກາ​ເຟ​​ໄດ້​ມີໜ້າໃນ​ບັນຊີ​ລາຍ​ຊື່​ບັນດາ​ຜະລິດ​ຕະພັນ​ສົ່ງ​ອອກ​ ມາ​ໄລ​ເຊຍ.