(vovworld) – ​ໃນ​ລະ​ຫວ່າງວັນ​ທີ 23 – 24/4, ເວ​ທີ​ປາ​ໄສ ອາ​ຊຽນ ຄັ້ງ​ທີ 15 (APF 2015) ດຳ​ເນີນ​ໄປ​ຢູ່​ນະ​ຄອນຫຼວງ Kuala Lumpur, ປະ​ເທດ ມາ​ເລ​ເຊຍ, ໄດ້​ດຶງ​ດູດ​ຜູ້​ແທ​ນ​ 1.400 ຄົນທີ່​ມາ​ຈາກບັນ​ດາ​ປະ​ເທດ ອາ​ຊຽນ​ເຂົ້າ​ຮ່ວມ. ບັນ​ດາ​ຜູ້​ແທນ ຫວຽດ​ນາມ ເຂົ້າ​ຮ່ວມ​ເວ​ທີ​ປາ​ໄສ​ຄັ້ງ​ນີ້​ມາ​ຈາກ​ບັນ​ດາ​ອົງ​ການ​ປະ​ຊາ​ຊົນ​ອື່ນ​ໆ ທີ່ເຄື່ອນ​ໄຫວ​ໃນຫຼາຍ​ຂົງ​ເຂດ​ເຊິ່ງ​ລວມ​ມີ: ສັນ​ຕິ​ພາບ, ຄວາມ​ສະ​ຫງົບ, ສິ່ງ​ແວດ​ລ້ອມ, ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ, ເສ​ດ​ຖະ​ກິດ, ການ​ສຶກ​ສາ, ກະ​ສິ​ກຳ, ຊາວ​ເຂົ້າ​ເມືອງ… ບັນ​ດາ​ຜູ້​ແທນ ຫວຽດ​ນາມ ໄດ້​ເຂົ້າ​ຮ່ວມ​ການ​ເປັນ​ປະ​ທານ ແລະ ເປັນ​ປະ​ທານ​ຮ່ວມ​ບາງກອງ​ປະ​ຊຸມ​ສຳ​ມະ​ນາ, ຕັ້ງ​ໜ້າ​​ປຶກ​ສາ​ຫາ​ລື​ປະ​ກອບ​ສ່ວນ​ໃຫ້​ວິ​ວັດ​ທະ​ນາ​ການ​ກໍ່​ສ້າງ​ປະ​ຊາ​ຄົມ​ອາ​ຊ​ຽນ ມຸ່ງ​ໄປ​ເຖິງ​ປະ​ຊາ​ຊົ​ນ. ນອກ​ຈາກນັ້ນ, ບັນ​ດາ​ຜູ້​ແທນ ຫວຽດ​ນາມ ໄດ້​ຕາງ​ໜ້າ​ໃຫ້​ບັນ​ດາ​ຜູ້​ແທນ​ເວ​ທີ​ປາ​ໄສ​ໂອ້​ລົມ​ສົນ​ທະ​ນາ​ກັບ​ບັນ​ດາ​ສະ​ມາ​ຊິກ​ສະ​ພາ​ແຫ່ງ​ຊາດ ອາ​ຊຽນ. ວັນ​ທີ 27/4, ຜູ້​ຕາງ​ໜ້າ​ປະ​ຊາ​ຊົນ​ບັນ​ດາ​ປະ​ເທດ​ຈະ​ເຂົ້າ​ຢ້ຽມ​ຂ່ຳ​ນັບ​ການ​ນຳ​ຂັ້ນ​ສູງ​ຂອງ​ລັດ​ຖະ​ບານ​ບັນ​ດາ​ປະ​ເທດ ອາ​ຊ​ຽນ.