ຫວຽດນາມເປີດຫ້ອງການຕ່າງໜ້າວິທະຍາສາດແລະເຕັກໂນໂລຊີຢູ່ອົດສຕາລີ
ຫວຽດນາມເປີດຫ້ອງການຕ່າງໜ້າ
ວິທະຍາສາດແລະເຕັກໂນໂລຊີຢູ່ອົດສຕາລີ
(ພາບ: vietnamplus)
(vovworld) – ຕອນບ່າຍວັນທີ 24/10, ຫ້ອງການຕ່າງໜ້າວິທະຍາສາດ ແລະ ເຕັກໂນໂລຊີຫວຽດນາມ ໄດ້ເປີດສະຫຼອງຢູ່ນະຄອນ Sydney, ລັດ New South Wales, ປະເທດອົດສຕາລີ, ທ່ານ ຈູຮ່ວາ, ຫົວໜ້າຫ້ອງການຕ່າງໜ້າວິທະຍາສາດ ແລະ ເຕັກໂນໂລຊີຫວຽດນາມ ປະຈຳ Sydney ໃຫ້ຮູ້ວ່າ: ລັດ New South Wales ແມ່ນແຫ່ງເຕົ້າໂຮມ 28 ມະຫາວິທະຍາໄລອັນດັບໜຶ່ງຂອງອົດສຕາລີ, ເລື່ອງເປີດຫ້ອງການດັ່ງກ່າວ ແມ່ນເພື່ອແນໃສ່ຕອບສະໜອງຄວາມຮຽກຮ້ອງຕ້ອງການ, ຈຸດປະສົງເຊິ່ງລັດຖະບານຫວຽດນາມ ໄດ້ວາງອອກ ໃນເລື່ອງນຳວິທະຍາສາດ ແລະ ເຕັກໂນໂລຊີ ໃຫ້ກາຍເປັນໜຶ່ງໃນບັນດາຂະແໜງກູນແຈຂອງປະເທດຊາດ. ທ່ານເອກອັກຄະລັດຖະທູດຫວຽດນາມ ປະຈຳອົດສຕາລີ ເລືອງແທງງີ້ ໃຫ້ຮູ້ວ່າ, ເຫດການນີ້ຈະຊ່ວຍເພີ່ມທະວີການຮ່ວມມືໃນຂົງເຂດວິທະຍາສາດ, ເຕັກໂນໂລຊີລະຫວ່າງຫວຽດນາມ ແລະ ອົດສຕາລີ.