ທ່ານເອກອັກຄະລັດຖະທູດຫວຽດນາມ ດັ້ງຮ່ວາງຢາງ ຫົວໜ້າຄະນະຜູ້ຕາງໜ້າຫວຽດນາມປະຈຳສະຫະປະຊາຊາດ (ນັ່ງເບື້ອງຂວາ)

      ວັນທີ 24 ກຸມພາ, ຢູ່ສໍານັກງານ ສະຫະປະຊາຊາດ ທີ່ນະຄອນ ນິວຢອກ (ອາເມລິກາ), ກອງປະຊຸມສະມັດຊາໃຫຍ່ ສະຫະປະຊາຊາດ (ສປຊ) ໄດ້ເຫັນດີ ຮັບຮອງເອົາ ມະຕິ 2 ສະບັບວ່າດ້ວຍແບບວິທີຈັດກອງປະຊຸມ ລະດັບສູງ ກ່ຽວກັບຄວາມພ້ອມປ້ອງກັນ ແລະ ຮັບມືກັບໂລກລະບາດ ແລະ ກອງປະຊຸມລະດັບສູງກ່ຽວກັບການປ້ອງກັນ ແລະ ຄວບຄຸມພະຍາດວັນນະໂລກ ຊຶ່ງຄາດວ່າ ຈະຖືກຈັດຂຶ້ນໃນສັບປະດາຂັ້ນສູງ ສະມັດຊາໃຫຍ່ສະຫະປະຊາຊາດຊຸດທີ 78 ໃນເດືອນກັນຍາປີນີ້.

     ໃນຖານະເປັນປະເທດຮັບຜິດຊອບການກໍ່ສ້າງ ແລະ ເປັນປະເທດຫຼັກແຫຼ່ງຍົກ ອອກມະຕິສອງສະບັບດັ່ງກ່າວນັ້ນ, ຫວຽດນາມ ໄດ້ເປັນເຈົ້າການສົມທົບ ກັບບັນດາປະເທດ ຢ່າງຕັ້ງໜ້ານໍາພາວິວັດການເຈລະຈາ ເພື່ອໃຫ້ສະມັດຊາ ໃຫຍ່ ເຫັນດີເປັນເອກະພາບ ຮັບຮອງ ເອົາມະຕິສອງສະບັບດັ່ງກ່າວ.