ຫວຽດນາມເພີ່ມທະວີການຕິດຕາມໂລກລະບາດ Ebola
ການຕິດຕາມກວດກາດ້ານການແພດຢູ່ດ່ານອາກາດສະຍານ ເຕີນເຊີນເຍີດ
|
(vovworld)- ຕໍ່ໜ້າໄພອັນຕະລາຍແຜ່ລະບາດຂອງເຊື້ອໄວຣັດ Ebola ໃນທົ່ວໂລກ, ກະຊວງສາທາລະນະສຸກຫວຽດນາມໄດ້ເຮັດວຽກກັບອົງການອະນາໄມໂລກ ສະເໜີໃຫ້ສະໜອງຕົວຢາງພະຍາດ ແລະ ໜູນຊ່ວຍດ້ານວິຊາການບົ່ງມະຕິພະຍາດໃຫ້ຫວຽດນາມ. ຕົວຢ່າງພະຍາດດັ່ງກ່າວຈະຖືກສົ່ງມາວິໄຈຢູ່ທີ່ສະຖາບັນອະນາໄມໂລກລະບາດວິທະຍາສູນກາງ ແລະ ສະຖາບັນ Pasteur ນະຄອນໂຮ່ຈິມິນ. ໃນຂະນະນັ້ນ, ພະແນກສາທາລະນະສຸກນະຄອນໂຮ່ຈິມິນ ຈະສຸມໃສ່ຕິດຕາມກວດກາດ້ານການແພດຢູ່ດ່ານອາກາດສະຍານ ເຕີນເຊີນເຍີດ. ທ່ານໝໍ ຫງວຽນຮຶ້ວຮຶງ ຮອງຫົວໜ້າ ພະແນກສາທາລະນະສຸກນະຄອນໂຮ່ຈິມິນໃຫ້ຮູ້ວ່າ : “ ປະຈຸບັນ, ພວກເຮົາສຸມໃສ່ຕິດຕາມບັນດາກໍລະນີຄົນເຈັບທີ່ມາຈາກ 11 ປະເທດເກີດໂລກລະບາດ. ຖ້າຫາກກວດພົບມີຄົນເຈັບຕິດພະຍາດນີ້, ຈະແຍກຢູ່ຕ່າງຫາກ ແລະ ຈະມີວິທີແກ້ໄຂໃນທັນທີ່. ໂດຍສະເພາະແມ່ນຢູ່ແຫ່ງມີແຂກທ່ອງທ່ຽວມາເຕົ້າໂຮມໜາແໜ້ນຄື ສະໜາມບິນ, ທ່າກຳປັ່ນ....ບັນດາຜູ້ທີ່ມາຈາກເຂດແຄ້ວນເກີດໂລກລະບາດ ຖ້າມີອາການສົງໄສນັ້ນ, ພວກເຮົາຈະດຳເນີນມາດຕະການຕິດຕາມ ”