ໂດຍສຸມໃສ່ພິນິດໄສບັນດາສິ່ງທ້າທາຍສຳລັບຫວຽດນາມ ໃນການປະຕິບັດບັນດາເປົ້າໝາຍພັດທະນາແບບຍືນຍົງ ແລະ ບັນດາຂໍ້ສະເໜີແນະ, ມາດຕະການແກ້ໄຂ. ທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟອງ, ພ້ອມກັບທ່ານ Martin Chunggong, ເລຂາທິການໃຫຍ່ສະຫະພັນລັດຖະສະພາສາກົນ (IPU), ເປັນປະທານກອງປະຊຸມ.

        ທີ່ກອງປະຊຸມ, ຜູ້ແທນໄດ້ປຶກສາຫາລືບັນດາເປົ້າໝາຍສຳຄັນຄືການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ການຮັບມືກັບການປ່ຽນແປງຂອງດິນຟ້າອາກາດ, ການຄ້ຳປະກັນສະບຽງອາຫານ ແລະ ຊຸກຍູ້ການພັດທະນາກະສິກຳແບບຍືນຍົງ. ທ່ານ ເລເຕີນຢຸງ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມໃຫ້ຮູ້ວ່າ, ຫວຽດນາມ ໄດ້ວາງອອກ 7 ເປົ້າໝາຍກ່ຽວກັບມາດຕະການແກ້ໄຂການລົບລ້າງຄວາມທຸກຍາກແບບຍືນຍົງ, ໃນນັ້ນໄດ້ສຸມໃສ່ 3 ໝວດຕົ້ນຕໍ່ແມ່ນ ໜູນຊ່ວຍການພັດທະນາການຜະລິດ, ຍົກສູງລາຍຮັບໃຫ້ຄອບຄົວທຸກຍາກ; ໜູນຊ່ວຍໃຫ້ຄົນທຸກຍາກສຳຜັດກັບບັນດາການບໍລິການສັງຄົມພື້ນຖານຢ່າງມີປະສິດທິຜົນ, ໃຫ້ບຸລິມະສິດໃຫ້ແກ່ບັນດາການບໍລິການນອນໃນເນື້ອໃນຫຼຸດຜ່ອນຄວາມທຸກຍາກຫຼາຍດ້ານຄື: ສາທາລະນະສຸກ, ການສຶກສາ, ເຮືອນຢູ່; ພັດທະນາພື້ນຖານໂຄງລ່າງຢູ່ບັນດາເຂດປະສົບກັບຄວາມຫຍຸ້ງຍາກ.

        ກ່າວຄຳເຫັນທີ່ກອງປະຊຸມ, ທ່ານ Martin Chunggong ປະທານ IPU ຖືວ່າ, ຫວຽດນາມ ຄວນເອົາໃຈໃສ່ເປັນພິເສດເຖິງກຸ່ມແມ່ຍິງ, ເດັກນ້ອຍຢູ່ເຂດຫ່າງໄກຊອກຫຼີກ. ຫວຽດນາມ ຄວນເພີ່ມເຕີມສ້າງລະບົບນິຕິກຳ, ກົນໄກຄຸ້ມຄອງງົບປະມານປະຕິບັດການຫຼຸດຜ່ອນຄວາມທຸກຍາກ, ຄວາມສະເໝີພາບລະຫວ່າງຍິງ - ຊາຍ, ນຳຄວາມສະເໝີພາບລະຫວ່າງຍິງ - ຊາຍ ເຂົ້າໃນບັນດານະໂຍບາຍໃຫ້ສົມບູນແບບ.