ຫວຽດນາມແລະກູບາເພີ່ມທະວີການແລກປ່ຽນ,ແບ່ງປັນບົດຮຽນໃນຂະແໜງໄອຍະການ
Hoang Dung -  
ທ່ານປະທານປະເທດ ເຈືອງເຕີນຊາງ ຕ້ອນຮັບຫົວໜ້າອົງການໄອຍະການປະຊາຊົນສູງສຸດ ກູບາ
(ພາບ: chinhphu.vn)
|
(vovworld) – ຕອນບ່າຍວັນທີ 12/3, ທີ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ໃຫ້ການຕ້ອນຮັບຫົວໜ້າອົງການໄອຍະການປະຊາຊົນສູງສຸດ ກູບາ ທ່ານ Dario Delgado Cura ພ້ອມກັບຄະນະປະຕິບັດງານທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານປະທານປະເທດ ເຈືອງເຕີນຊາງ ຖືວ່າ: ໃນພາລະກິດສ້າງສາປະເທດຊາດຄືໃນປະຈຸບັນ, ເຖິງວ່າຫ່າງໄກດ້ານພູມສາດກໍ່ຕາມ ແຕ່ ຫວຽດນາມ ຍາມໃດກໍ່ຕິດຕາມ ແລະ ຮຽງບ່າຮຽງໄຫຼ່ພ້ອມກັບປະຊາຊົນ ກູບາ ອ້າຍນ້ອງ. ທ່ານປະທານປະເທດ ຖືວ່າ: ໃນໄລຍະເປີດປະຕູ, ຄຽງຂ້າງບັນດາສິ່ງສະດວກ, ກູບາ ກໍ່ຕ້ອງປະເຊີນໜ້າກັບບັນດາຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ດັ່ງນັ້ນ, 2 ຝ່າຍຄວນເພີ່ມທະວີການແລກປ່ຽນ, ແບ່ງປັນບົດຮຽນເຊິ່ງກັນ ແລະ ກັນໃນທຸກຂົງເຂດ, ໃນນັ້ນມີຂົງເຂດໄອຍະການ ແລະ ກໍ່ສ້າງພັກ, ສະກັດກັ້ນ, ຍູ້ໃຫ້ໄພສໍ້ລາດບັງຫຼວງໃຫ້ຖອຍໄປ ແລະ ປ້ອງກັນ, ຕ້ານອາດຊະຍາກຳ… ເພື່ອສ້າງຄວາມສະຖຽນລະພາບໃຫ້ແກ່ພາລະກິດສ້າງສາ ແລະ ພັດທະນາປະເທດຊາດ.
ຫົວໜ້າອົງການໄອຍະການປະຊາຊົນສູງສຸດ ກູບາ ທ່ານ Dario Delgado Cura ຢັ້ງຢືນວ່າ: ປະຊາຊົນ ກູບາ ຍາມໃດກໍ່ຈົດຈຳນ້ຳໃຈສະໜິດຕິດພັນລະຫວ່າງ 2 ປະເທດໂດຍທີ່ການນຳລຸ້ນຕ່າງໆຂອງ 2 ຝ່າຍເພີ່ມພູນຄູນສ້າງ ໃນຕະຫຼອດ 50 ປີຜ່ານມາ ກໍ່ຄືໃນບັນດາເວທີປາໄສພາກພື້ນ ແລະ ສາກົນປະຈຸບັນ. ທ່ານ Dario Delgado Cura ກໍ່ປາດຖະໜາຢາກແບ່ງປັນບົດຮຽນໃນທຸກຂົງເຂດໃນນັ້ນມີຂະແໜງໄອຍະການ.
Hoang Dung