ຫວຽດນາມແລະສະຫະພັນລັດເຊຍບັນລຸຂໍ້ຕົກລົງໃຫຍ່
ກຽວກັບການສະໜອງນຳ້ມັນອາຍແກສ
(ພາບ: ຫວຽດນາມ+)

(vovworld) - ຂໍ້​ຕົກລົງ​ກ່ຽວ​ກັບ​ການ​ສະໜອງ​ນຳ້ມັນ​ອາຍ​ແກ​ສ ​ແມ່ນ​ບັນລຸ​ໄດ້​ໃນ​ຂອບ​ເຂດ​ເວທີ​ປາ​ໄສ​ເສດຖະກິດ​ສາກົນ​ຄັ້ງ​ທີ 20, ​ເຊິ່ງດຳ​ເນີນ​ໃນ​ລະຫວ່າງ​ວັນ​ທີ 16-18/6 ຢູ່​ສະຫະພັນ​ລັດ​ເຊຍ ລະຫວ່າງ​ກຸ່ມ​ບໍລິສັດ​ນ້ຳມັນ​ອາຍ​ແກ​ສ Rosdeft ຂອງ​ລັດ​ເຊຍ ກັບບໍລິສັດ​ໃຫຍ່​ນຳ້ມັນ​ອາຍ​ແກ​ສ ຫວຽດນາມ Petro Vietnam Oil (PV Oil). ຕາມ​ສັນຍາ​ແລ້ວ, ນັບ​ແຕ່​ນີ້​ເຖິງ​ປີ 2040, Rosdeft ຈະ​ສະໜອງ​ໃຫ້​ ຫວຽດນາມ​ນ້ຳມັນ 96 ລ້ານ​ໂຕນ. ນີ້​ແມ່ນ​ໜຶ່ງ​ໃນ​ບັນດາ​ສັນຍາ​ໃຫຍ່​ທີ່​ສຸດ​ນັບ​ແຕ່​ກ່ອນ​ມາ​ຮອດ​ປະຈຸ​ບັນ, ​ເຊິ່ງນອນ​ໃນ​ຍຸດ​ທະ​ສາດ​ເປີດ​ກວ້າງ​ບັນດາ​ຄູ່​ຮ່ວມ​ມື​ຢູ່​ຕະຫຼາດ ອາຊີ - ປາຊີ​ຝິກ ​ຂອງ​ສະຫະພັນ​ລັດ​ເຊຍ. ຕາມທ່ານ Igor Sechin, ​ຜູ້ອຳນວຍການ​ໃຫຍ່​ຝ່າຍ​ບໍລິຫານ Rosdeft​ ແລ້ວຜ່ານ​ສັນຍາ​ທີ່​ມີ​ມູນ​ຄ່າ​ນີ້, Rosdeft ​ໄດ້​ມີ​ທີ່​ຕັ້ງ​ນຳ​ໜ້າ​ໃນ​ການ​ສະໜອງ​ພະລັງງານ​ໃຫ້​ໜຶ່ງ​ໃນ​ບັນດາ​ປະ​ເທດ​ພັດທະນາ​ຢ່າງ​ຂະຫຍັນ​ຂັນ​ເຄື່ອນ​ຢູ່​ອາຊີ - ປາຊີ​ຝິກ.