ຫວຽດນາມແລະເຊັກໂກຖືເປັນສຳຄັນການພັດທະນາສາຍພົວພັນມິດຕະພາບທີ່ເປັນມູນເຊື້ອ
(ທ່ານລັດຖະມົນຕີກະຊວງການຕ່າງປະເທດ ຟ້າມບິ່ງມິງ ແລະ
ທ່ານລັດຖະມົນຕີກະຊວງການຕ່າງປະເທດ Lubomir Zaoralek)
(vovworld) – “ຫວຽດນາມ ແລະ ຊັກໂກ ຖືເປັນສຳຄັນການພັດທະນາສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫລາຍດ້ານ”. ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ຟ້າມບິ່ງມິງ ແລະ ທ່ານລັດຖະມົນຕີວ່າການກະຊວງການຕ່າງປະເທດ ສ.ເຊັກໂກ Lubomir Zaoralek ເຫັນດີຄືດັ່ງກ່າວໃນການເຈລະຈາ ໃນຕອນບ່າຍວັນທີ 23/10 ທີ່ດຳເນີນຢູ່ຮ່າໂນ້ຍ. ໃນການເຈລະຈາ 2 ຝ່າຍໄດ້ແລກປ່ຽນກ່ຽວກັບບັນດາທິດທາງ, ມາດຕະການເພີ່ມທະວີການຮ່ວມມື 2 ຝ່າຍໃນຂົງເຂດຕ່າງໆເຊັ່ນ: ການເມືອງ - ການພົວພັນຕ່າງປະເທດ, ເສດຖະກິດ - ການຄ້າ, ວັດທະນະທຳ, ການສຶກສາ - ບຳລຸງສ້າງ, ການຮ່ວມມືພັດທະນາ, ການປ້ອງກັນຊາດປ້ອງກັນຄວາມສະຫງົບ. ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ໃຫ້ຮູ້ວ່າ:
“ຂ້າພະເຈົ້າໄດ້ຍົກອອກແຕ່ 8 ມາ 9 ຂົງເຂດຮ່ວມມືລະຫວ່າງ ຫວຽດນາມ ແລະ ສ.ເຊັກໂກ. ທັງໝົດຂົງເຂດນີ້ ລ້ວນແຕ່ສຳຄັນ ເພາະວ່າ ລະຫວ່າງ 2 ປະເທດມີການພົວພັນທີ່ເປັນມູນເຊື້ອ ແລະ ລ້ວນແຕ່ມີຄວາມຕ້ອງການຮ່ວມມືຊຸກຍູ້ການພັດທະນາເສດຖະກິດ, ພິເສດແມ່ນດ້ານການຄ້າ. ພວກຂ້າພະເຈົ້າ ກໍແລກປ່ຽນຫລາຍຢ່າງກ່ຽວກັບເລື່ອງ ເຮັດແນວໃດ ເພີ່ມທະວີການພົວພັນເສດຖະກິດ - ການຄ້າລະຫວ່າງ ຫວຽດນາມ ແລະ ສ.ເຊັກໂກ ຍິ່ງກ່ວາອີກ. ສະເພາະໃນ 7 ເດືອນຕົ້ນປີ 2015 ມູນຄ່າການຄ້າລະຫວ່າງ 2 ປະເທດ ໄດ້ເພີ່ມ 66% ເມື່ອທຽບໃສ່ໄລຍະດຽວກັນປີ 2014. ນີ້ແມ່ນສັນຍານດີສຸດ ໃຫ້ການພົວພັນການຄ້າລະຫວ່າງ 2 ປະເທດ”
ສ່ວນທ່ານລັດຖະມົນຕີວ່າການກະຊວງການຕ່າງປະເທດ ສ. ເຊັກໂກ ໄດ້ ຢືນຢັນ ສະໜັບສະໜູນເລື່ອງສະຫະພາບ ເອີຣົບ (EU) ແລະ ຫວຽດນາມ ລົງນາມສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA) ໂດຍໄວ ແລະ ສະຫະພາບ ເອີຣົບ ຮັບຮອງຂໍ້ກຳນົດຖານະດ້ານເສດຖະກິດຕະຫລາດຂອງ ຫວຽດນາມ.